Ortalyq memlekettik mýzeidiń direktory Nursan Álimbai 12 qazan kúni Keiki batyrdyń bassúiegi antropologiialyq saraptama úshin Vengriiaǵa jetkiziletinin málimdedi. Mýzei basshysy qundy jádigerdi arnaiy konteinerde alyp barady, - dep habarlaidy Baq.kz.
"Barlyq saqtyq sharasy qabyldanady. Oǵan soqqy bolǵan kúnniń ózinde zaqym kelmeidi. Konteinerge plomba salynǵan", - deidi Nursan Álimbai.
Batyrdyń múrdesi Máskeýden Astanaǵa búgin, 6 qazanda tańǵy saǵat 5.00-de jetkizildi. Keiki batyrdyń bassúiegi 8 qazanda Almatyǵa jetkiziledi dep josparlanǵan bolatyn.
Eske salaiyq, biyl 12 tamyzda Qazaqstannyń burynǵy premer-ministri Kárim Másimov RF Úkimet tóraǵasy Dmitrii Medvedevpen kezdesýi barysynda ótken júz jyldyqtaǵy ult-azattyq qozǵalystyń kóshbasshysy Keiki batyrdyń múrdesin elge qaitarý týraly máseleni kótergen edi. Dmitrii Medvedev bul máseleni anyqtap, sheshý úshin qajetti tapsyrmalar beretinin aitty. "Men aýyzsha jáne eger qajet bolsa, jazbasha tapsyrma berip, bul máseleniń anyq-qanyǵyn anyqtaityn bolamyn", - dep jaýap berdi Medvedev Másimovtiń ult kósemderiniń múrdelerin kómý úshin Qazaqstanǵa qaitarý týraly ótinishine.
.jpeg)