vedite kod video
Osydan 8 jyl buryn Almatydan Astanaǵa jol tartyp bara jatqan júrdek poiyz ishinde júregi tolqynystan lúpildep turǵan, oiynda «ónerge» degen ystyq mahabbaty bar Inabat Rizabekova atty stýdent qyz ketip bara jatyr edi. Balań kóńil, sahnaǵa degen umtylys, jarqyn kózqaras Inabattyń boiynda bar. Inabattyń Alataýdan Elordaǵa sapar shegýinniń ózindik maqsaty bar edi...
Ol maqsaty ashylǵanyna bir jyl tolǵan «Astana Musical» teatrynda jańadan sahnalanaiyn dep jatqan Ǵ.Músirepovtiń «Qyz Jibek» etno-folklorlyq miýziklinde Jibek beinesiniń kastingine qatysý bolatyn.
Inabat Astana qalasyna kelisimen birden teatrǵa kelip, atalmysh rólge baq synaidy. Synnan súrinbei ótip, Qyz Jibek obrazyna bekitiledi. Alǵashqy daiyndyq kezderinde qaharmannyń baǵytyn tabý, onyń basqa qyzdardan erekshelikterin anyqtaý, róldi ózgeshelep shyǵarý Inabat úshin qiynǵa soqqany ras. Biraq, sheginerge jol joq, rejisserdiń senimin aqtaý kerek. Kórermen aldyna jańasha Jibek shyǵý kerek.
Osyndai oida júrgen Inabatqa QR eńbek sińirgen qairatkeri, ózi de, Qyz Jibek beinesin nusqalaǵan aktrisa Ainur Bermuhameddova kómekke kelip, óz aqyl-keńesin bildiredi. Bul Inabatqa úlken septigin tigizdi. Daiyndyqty qazaqtyń Tólegeni men Qyz Jibegi Quman Tastanbekov pen Merýert Ótekeshova kelip tamashalap, Orazaly Igilik pen (Tólegen) Inabat Rizabekovaǵa (Jibek) aq batasyn beredi. Qazaq óneriniń korifeileriniń aq batasy jas aktrisa Inabatqa úlken kúsh berdi.
Inabat- Jibek – aqyldy, ibaly, parasatty, sózge sheshen, dástúrdi qadirlei biletin qyz. Ol óz baqyty men mahabbatyna adal. Tólegenge degen súiispenshiligi arqyly áiel zatynyń názik te qaisar bolmysyn kórsetedi. Qyz Jibek róli Inabatqa qutty keiipker boldy. Atalǵan beinesi arqyly kórermenge tanyldy, ómirlik jubyń tapty, perzentiniń esimin Jibek dep qoidy. Qazaq teatrynda tuńǵysh Qyz Jibek beinesin keskindegen Kúlásh Baiseiitova bolatyn. Al araǵa qanshama jyldar salyp, teleekran aldynda «Jel ústindegi vals» hikaiasynda Kúlásh Baiseitovany Inabat Rizabekova keiiptedi. Bul Allanyń qudireti ǵoi. Inabat tek teatr sahnasynda ǵana emes, sondai-aq, kinematografiia salasynda da, joly boldy. Kógildir ekran aldynda qazaqtyń mańdai aldy qyzdaryn keiiptedi. Aitar bolsaq, Aqqaǵaz Dosjanova, Kúlásh Baiseiitova, Muǵalim Maiqanova. Aitylǵan jandardyń barlyǵy Inabattyń oń jambasyna keldi.
Inabat Rizabekova Astana mýzykalyq jas kórermender teatrynyń negizin salýshylardyń biri. Teatr repertýaryndaǵy basty keiipkerlerdi nusqalap júr. Inabat-keiipkerjandy aktrisa. Ol sahnada keiipkerimen ómir súredi, taǵdyryn keshedi. Sahnada óziń de, kórermendi de, umyttyratyn, keiipkerimen baýraityn óner iesi. Búgingi tańda halyq arasyna keń taralyp, kórermen qoshemetine bólengen D.Isabekovtiń «Gaýhartas» mýzykalyq dramasyndaǵy Saltanat-Inabatty teatr arqyly jurtshylyqqa tanytty. Inabat-Saltanat-bir úidi ǵana emes, kúlli aýylǵa bereke kirgizgen, túsken shańyraǵyna shattyq syilaǵan keiipker. Inabattyń nusqalaýyndaǵy Saltanat-tek syrtqy kelbeti ǵana emes, jany da. bolmysy da, sulý qazaqtyń aiaýly kelini. Inabat-Saltanattyń tragediiasyn kórermenge jete uǵyndyrady. Saltanattyń taǵdyryn tamashalaǵan óner súier qaýymnyń júreginde bir-bir Saltanat jatyr. Ol olardyń qurbylary, analary ia bolmasa jaqyn adamdary. Inabat somdaýyndaǵy Saltanat beinesi – eń basty ári tereń psihologiialyq keiipkerlerdiń biri. Ol – qazaq áieliniń jańa dáýirdegi, rýhani izdenis pen sezim arpalysyndaǵy kúrdeli tulǵasyn beineleitin keiipker. Inabattyń akterlik sheberligi osyny aiqyndaidy. Inabattyń aldaǵy shyǵarmashylyǵyna sátillik tileimiz!
