ۆەديتە كود ۆيدەو
وسىدان 8 جىل بۇرىن الماتىدان استاناعا جول تارتىپ بارا جاتقان جٷردەك پويىز ٸشٸندە جٷرەگٸ تولقىنىستان لٷپٸلدەپ تۇرعان, ويىندا «ٶنەرگە» دەگەن ىستىق ماحابباتى بار ينابات ريزابەكوۆا اتتى ستۋدەنت قىز كەتٸپ بارا جاتىر ەدٸ. بالاڭ كٶڭٸل, ساحناعا دەگەن ۇمتىلىس, جارقىن كٶزقاراس يناباتتىڭ بويىندا بار. يناباتتىڭ الاتاۋدان ەلورداعا ساپار شەگۋٸننٸڭ ٶزٸندٸك ماقساتى بار ەدٸ...
ول ماقساتى اشىلعانىنا بٸر جىل تولعان «Astana Musical» تەاترىندا جاڭادان ساحنالانايىن دەپ جاتقان ع.مٷسٸرەپوۆتٸڭ «قىز جٸبەك» ەتنو-فولكلورلىق ميۋزيكلٸندە جٸبەك بەينەسٸنٸڭ كاستينگٸنە قاتىسۋ بولاتىن.
ينابات استانا قالاسىنا كەلٸسٸمەن بٸردەن تەاترعا كەلٸپ, اتالمىش رٶلگە باق سىنايدى. سىننان سٷرٸنبەي ٶتٸپ, قىز جٸبەك وبرازىنا بەكٸتٸلەدٸ. العاشقى دايىندىق كەزدەرٸندە قاھارماننىڭ باعىتىن تابۋ, ونىڭ باسقا قىزداردان ەرەكشەلٸكتەرٸن انىقتاۋ, رٶلدٸ ٶزگەشەلەپ شىعارۋ ينابات ٷشٸن قيىنعا سوققانى راس. بٸراق, شەگٸنەرگە جول جوق, رەجيسسەردٸڭ سەنٸمٸن اقتاۋ كەرەك. كٶرەرمەن الدىنا جاڭاشا جٸبەك شىعۋ كەرەك.
وسىنداي ويدا جٷرگەن يناباتقا قر ەڭبەك سٸڭٸرگەن قايراتكەرٸ, ٶزٸ دە, قىز جٸبەك بەينەسٸن نۇسقالاعان اكتريسا اينۇر بەرمۇحامەددوۆا كٶمەككە كەلٸپ, ٶز اقىل-كەڭەسٸن بٸلدٸرەدٸ. بۇل يناباتقا ٷلكەن سەپتٸگٸن تيگٸزدٸ. دايىندىقتى قازاقتىڭ تٶلەگەنٸ مەن قىز جٸبەگٸ قۇمان تاستانبەكوۆ پەن مەرۋەرت ٶتەكەشوۆا كەلٸپ تاماشالاپ, ورازالى يگٸلٸك پەن (تٶلەگەن) ينابات ريزابەكوۆاعا (جٸبەك) اق باتاسىن بەرەدٸ. قازاق ٶنەرٸنٸڭ كوريفەيلەرٸنٸڭ اق باتاسى جاس اكتريسا يناباتقا ٷلكەن كٷش بەردٸ.
ينابات- جٸبەك – اقىلدى, يبالى, پاراساتتى, سٶزگە شەشەن, دەستٷردٸ قادٸرلەي بٸلەتٸن قىز. ول ٶز باقىتى مەن ماحابباتىنا ادال. تٶلەگەنگە دەگەن سٷيٸسپەنشٸلٸگٸ ارقىلى ەيەل زاتىنىڭ نەزٸك تە قايسار بولمىسىن كٶرسەتەدٸ. قىز جٸبەك رٶلٸ يناباتقا قۇتتى كەيٸپكەر بولدى. اتالعان بەينەسٸ ارقىلى كٶرەرمەنگە تانىلدى, ٶمٸرلٸك جۇبىڭ تاپتى, پەرزەنتٸنٸڭ ەسٸمٸن جٸبەك دەپ قويدى. قازاق تەاترىندا تۇڭعىش قىز جٸبەك بەينەسٸن كەسكٸندەگەن كٷلەش بايسەيٸتوۆا بولاتىن. ال اراعا قانشاما جىلدار سالىپ, تەلەەكران الدىندا «جەل ٷستٸندەگٸ ۆالس» حيكاياسىندا كٷلەش بايسەيتوۆانى ينابات ريزابەكوۆا كەيٸپتەدٸ. بۇل اللانىڭ قۇدٸرەتٸ عوي. ينابات تەك تەاتر ساحناسىندا عانا ەمەس, سونداي-اق, كينەماتوگرافييا سالاسىندا دا, جولى بولدى. كٶگٸلدٸر ەكران الدىندا قازاقتىڭ ماڭداي الدى قىزدارىن كەيٸپتەدٸ. ايتار بولساق, اققاعاز دوسجانوۆا, كٷلەش بايسەيٸتوۆا, مۇعالٸم مايقانوۆا. ايتىلعان جانداردىڭ بارلىعى يناباتتىڭ وڭ جامباسىنا كەلدٸ.
ينابات ريزابەكوۆا استانا مۋزىكالىق جاس كٶرەرمەندەر تەاترىنىڭ نەگٸزٸن سالۋشىلاردىڭ بٸرٸ. تەاتر رەپەرتۋارىنداعى باستى كەيٸپكەرلەردٸ نۇسقالاپ جٷر. ينابات-كەيٸپكەرجاندى اكتريسا. ول ساحنادا كەيٸپكەرٸمەن ٶمٸر سٷرەدٸ, تاعدىرىن كەشەدٸ. ساحنادا ٶزٸڭ دە, كٶرەرمەندٸ دە, ۇمىتتىراتىن, كەيٸپكەرٸمەن باۋرايتىن ٶنەر يەسٸ. بٷگٸنگٸ تاڭدا حالىق اراسىنا كەڭ تارالىپ, كٶرەرمەن قوشەمەتٸنە بٶلەنگەن د.يسابەكوۆتٸڭ «گاۋحارتاس» مۋزىكالىق دراماسىنداعى سالتانات-يناباتتى تەاتر ارقىلى جۇرتشىلىققا تانىتتى. ينابات-سالتانات-بٸر ٷيدٸ عانا ەمەس, كٷللٸ اۋىلعا بەرەكە كٸرگٸزگەن, تٷسكەن شاڭىراعىنا شاتتىق سىيلاعان كەيٸپكەر. يناباتتىڭ نۇسقالاۋىنداعى سالتانات-تەك سىرتقى كەلبەتٸ عانا ەمەس, جانى دا. بولمىسى دا, سۇلۋ قازاقتىڭ اياۋلى كەلٸنٸ. ينابات-سالتاناتتىڭ تراگەديياسىن كٶرەرمەنگە جەتە ۇعىندىرادى. سالتاناتتىڭ تاعدىرىن تاماشالاعان ٶنەر سٷيەر قاۋىمنىڭ جٷرەگٸندە بٸر-بٸر سالتانات جاتىر. ول ولاردىڭ قۇربىلارى, انالارى يا بولماسا جاقىن ادامدارى. ينابات سومداۋىنداعى سالتانات بەينەسٸ – ەڭ باستى ەرٸ تەرەڭ پسيحولوگييالىق كەيٸپكەرلەردٸڭ بٸرٸ. ول – قازاق ەيەلٸنٸڭ جاڭا دەۋٸردەگٸ, رۋحاني ٸزدەنٸس پەن سەزٸم ارپالىسىنداعى كٷردەلٸ تۇلعاسىن بەينەلەيتٸن كەيٸپكەر. يناباتتىڭ اكتەرلٸك شەبەرلٸگٸ وسىنى ايقىندايدى. يناباتتىڭ الداعى شىعارماشىلىعىنا سەتٸللٸك تٸلەيمٸز!
