11 jeltoqsan kúni Qazaqstanda PTR testimen rastalǵan koronavirýspen 789 naýqas, 8 ólim tirkeldi. Osyǵan deiin aimaqtar boiynsha aldyńǵy orynda bolǵan aimaqtardyń bárinde tirkelgen naýqas sany 100-den tómen shyqty. Jekelegen aimaqtar bul mejeden 28 qazannan beri asyp kelgen.
Aimaqtar boiynsha jaǵdai mynadai:
- Nur-Sultan qalasy - 99
- Almaty qalasy - 82
- Shymkent qalasy - 14
- Aqmola oblysy - 69
- Aqtóbe oblysy - 7
- Almaty oblysy - 55
- Atyraý oblysy - 26
- Shyǵys Qazaqstan oblysy - 98
- Jambyl oblysy - 26
- Batys Qazaqstan oblysy - 38
- Qaraǵandy oblysy - 30
- Qostanai oblysy - 74
- Qyzylorda oblysy - 3
- Mańǵystaý oblysy - 9
- Pavlodar oblysy - 83
- Soltústik Qazaqstan oblysy – 71
Virýs juqtyrǵany PTR testimen rastalǵan naýqastardyń jalpy sany osymen 140 784-ke jetip otyr. Onyń 124 729-y jazylyp shyqqan, 2129-y qaitys bolǵan.
Qazaqstan Covid jónindegi ulttyq statistikasyna esebi 1 tamyzdan beri júrgizilip kele jatqan koronavirýs pnevmoniiasy derekterin de biriktirmei otyr. Tamyzdyń basynan beri pnevmoniianyń bul túrimen 43 773 naýqas tirkelgen. Onyń ishinde 31 364 naýqas jazylyp shyqqan, 463 adam qaitys bolǵan.
Densaýlyq saqtaý ministrliginiń aqparatyna sensek, Qazaqstanda osy ýaqytta koronavirýstan 13 926 adam emdelip jatyr.
Olardyń arasynda 1 041 bala bar. Statsionarlarda 3 999 naýqas jatyr. 9 927 adam ambýlatoriialyq jaǵdaida emdelýde.
Jalpy naýqastardyń arasynda 225 adamnyń densaýlyq jaǵdaiy nashar. Sonyń ishinde 36 naýqastyń densaýlyq jaǵdaiy asa aýyr dep baǵalanyp otyr, 43 naýqas jasandy tynys alý apparatyna qosylǵan.
