OPEK+ kelisimine qatysý suranys pen usynys teńgerimin qalpyna keltirýge jáne de munai baǵasyn qalpyna keltirýge baǵyttalǵan. Bul týraly QR Energetika ministri Nurlan Noǵaev halyq aldynda esep berý kezdesýinde aitty, dep habarlaidy "Ult aqparat".
«Eger biz munai óndirýdi qysqartpaǵan jaǵdaida, 2020 jyldyń ekinshi toqsanynda munai saqtaý oryndarynyń tolyp ketýine, keibir ken oryndarynda munai óndirýdiń toqtap qalýyna ákelýi múmkin edi. Mámilege qatysýdyń arqasynda naryqtyń barlyq qatysýshylary munai óndirýdiń baqylanýyna jáne birtindep tómendeýine qol jetkizdi. Biz keibir ken oryndarynda óndirýdi tolyq toqtatpai, barynsha aýyrtpalyqsyz qysqartý júrgizdik», - deidi QR Energetika ministri Nurlan Noǵaev
Onyń aitýynsha, Qazaqstandyq munai óndeý zaýyttaryn jabdyqtaý nátijesinde búgingi tańda ishki naryqtyń qajettiligin tolyǵymen ózimiz qamtamasyz etip otyrmyz.
«2020 jyldyń mamyr-maýsym ailarynda OPEK+ kelisimine qatysýshy elder munai óndirýdi táýligine 9,7 mln barrelge qysqartýdy josparlap otyr. Qazaqstan táýligine 390 myń barrelge óndirýdi azaitý mindetin óz moinyna aldy. Qazaqstandaǵy ortasha táýliktik munai óndirý (kondensatsyz) 25 mamyrdaǵy jaǵdai boiynsha 177,8 myń tonna munaidy quraidy, bul OPEK+mámilesiniń mindettemelerin oryndaǵanyn kórsetedi», - deidi ol.
