Oqý-aǵartý ministri Ashat Aimaǵambetov Túrkistan oblysyn aralap júr. Bul týraly ol óziniń Facebook paraqshasynda jazdy.
"Tańerteńnen beri Túrkistan oblysyndaǵy alty aýylǵa baryp, jeti mekteptiń jumysymen tanystym. Sonyń ishindegi eki mektep basshysynyń jumysyna tómen baǵa berýge bolady. Óz quzyretterindegi mindetterin oryndaýyna jáne qajetti jumysty uiymdastyrýlaryna qatysty suraqtar bar. Sondai-aq mektepterdiń birindegi kitaphanashyǵa «Oqýǵa qushtar mektep» jobasy boiynsha atqaryp jatqan jumysy úshin alǵysymdy aittym. Taǵy eki mektepte osy joba boiynsha jumys tiisti deńgeide oryndalyp otyrǵan joq. Mektep basshylarynyń attestatsiiadan ótý merzimi ótip ketse de, keibir aýdandarda 5 jyldan astam ýaqyt boiy attestatsiia ótkizilmegen. Osy oblystyń basqa da bilim berý uiymdarynyń jumysymen tanysamyn" - deidi ministr.
