"Vashington men Máskeý Siriiada bitimge qol jetkizý jónindegi is-qimyl jospary boiynsha kelisimge kelgen. Bul týraly juma kúni túnge qarai Jenevada AQSh memlekettik hatshysy Djon Kerri málimdedi. Resei syrtqy ister ministri Sergei Lavrov «óte úlken jumys» aiaqtalǵanyn atap ótken", - dep habarlaidy Ult.kz tilshisi Azattyqqa silteme jasap.
Juma kúni kelissózder kúni boiy jalǵasty. Sergei Lavrov talqylaýdy toqtatyp, Djon Kerrimen kelesi aptada qaita kezdesýdi usynǵan. Juma kúni keshke AQSh memlekettik departamenti ókili jýrnalisterge diplomattardyń «tehnikalyq máselelerdi» talqylap jatqanyn habarlaǵan, biraq naqty qandai máseleler ekenin ashyp aitpaǵan.
Siriiada bes jyldan astam ýaqyt jalǵasyp jatqan soǵys saldarynan birneshe júz myń adam qaza tapqan. Máskeý men Vashington Siriiadaǵy qantógisti toqtatý jáne Bashar Asad rejimi men qarýly oppozitsiia arasynda bitimge qol jetkizý múmkindigi týraly kelissózderdi birneshe ret bastap, biraq mámilege kele almaǵan edi. Asadty jaqtaityn Resei men Siriia oppozitsiiasyn qoldaityn AQSh qorshaýdaǵy eldi mekenderge gýmanitarlyq járdem jetkizý máselesinde túsinistik taba almai, eki tarap arasyndaǵy kelissózder únemi tyǵyryqqa tirelip keldi.
