Stýdent jastardyń bilimin shyńdap, oi órisin, tanym men taǵylymyn keńeite túsetin bilim básekeleri ekeni daýsyz. Sonyń ishinde pán olimpiadalarynyń orny erek.
Uiymdastyrylyp kele jatqanyna on bir jyl bolǵan jýrnalistika mamandyǵy boiynsha bilim dodasy bul joly Kereký tórinde tý kóterdi. S.Toraiǵyrov atyndaǵy Pavlodar memlekettik ýniversitetinde jalyndy jastardyń basy qosylyp, ózara tájirbie almasyp, oi bólisti.
«Kúsh bilimde» dep esepteitin stýdentter tilshilik tirshiliginiń qyr-syryn qanshalyqty meńgergendigin osy básekedi dáleldeidi. Sebebi bul doda jastar «Uly dalanyń ulaǵatyn ulyqtap», óz oqý ornynyń mártebesin kóterýge múmkindik alady. Sosyn, boidaǵy darynynyń jan-jaqty qyrlaryn kórsetip, buryn men búgindi bailanystyrǵan jýrnalistikanyń ishine búkken syrlaryn uǵynady. Aita keteiik, bilim básekesiniń basty ustanymy da osy.
Kezeń-kezeń saiyn jýrnalistik sheberlikti qanshalyqty igergenderin kórsetetin Qazaqstannyń túkpir-túkpirinen kelgen shákirtter «Tanystyrý», «Esse» kezeńderinde baq synasyp, talanttaryn kórsetedi.
Al, ekinshi kezeńde jýrnalistikanyń ár túrli tarmaqtary boiynsha test tapsyryp, teoriialyq bilimderin sarapqa salady. Odan soń, «Jedel aqparat» jazyp, jelige júkteidi.
Sońǵy týrda stýdentter «Ertis – Baian óńiriniń tarihy men kelbeti meniń áserimde» atty beinesiýjet daiyndap, iskerlikke shyńdalady. Bul eńbekti qazylar alqasy baǵalap, úzdikterdi anyqtaidy.
Kerekýdegi olimpiada stýdentterdiń qala tynysymen tanysyp, qart Ertis boiyndaǵy tarihi oryndar syrlaryn bilý múmkindigin syilady. Bilim básekesi jalǵasýda...
Aidar SAILAÝOV,
Qorqyt ata atyndaǵy Qyzylorda memlekettik ýniversiteti
