Kerch qalasyndaǵy jarylystan qaza tapqandar sany 20 adamǵa jetti. Bul týraly TASS habarlaidy.
«Kolledjde qaza bolǵandar sany - 20 adam. Sońǵy katafalk máiithanaǵa úsh adamnyń emes, tórt adamnyń máiitin jetkizdi. Taǵy bir adam tabylǵan», - dedi qalalyq ákimshilik basshysynyń orynbasary Diliaver Melgaziev.
Oqiǵadan qaza bolǵandardyń barlyǵynyń týystary máiitterdi tanydy.
Agenttiktiń habarlaýynsha, «Lańkestik» baby boiynsha qozǵalǵan qylmystyq is keiin «Adam óltirý» babyna ózgertilgen.
Eske sala keteiik, keshe Kerch qalasyndaǵy politehnikalyq kolledjde jarylys boldy. Aldyn ala aqparatqa sáikes, 10 adam qaza bolyp, 20-dan astamy aýrýhanaǵa jetkizilgen.
