Almatyda alaiaqtyq jasady degen kúdikpen áiel ustaldy, dep habarlaidy "Ult aqparat".
Áiel jalǵa alynǵan avtokólikterdi tizgindep júrip, dál sol markaly avtokólikti ekinshi deńgeili bankten tómen baǵada satyp alýǵa ýáde bergen.
«Ustalǵan 40 jastaǵy áiel «Toiota Kamri 55» kóligin jalǵa alyp, óziniń tanystaryn bankterde dál osyndai kepildegi kólikti 5 million teńgege satyp alýǵa kómektesetin «tanystary» bar dep sendirgen. Al bul mashinanyń naryqtaǵy baǵasy 7 million teńgeden joǵary. Oǵan sengen adamdar 3,5-4 million teńge aldyn-ala tólemdi kepildiksiz berdi. Bul áiel buryn da osyndai áreketi úshin isti bolǵan. Alǵan aqshasyn jeke qajetine jumsaǵan. Eshkimge kólik alyp berý oiynda bolmaǵan», – dedi Almaly aýdandyq Politsiia basqarmasynyń bastyǵy Esen Ysqaqov.
Ustalǵan adamǵa qatysty Qylmystyq kodekstiń 190-baby (alaiaqtyq) boiynsha sotqa deiingi tergeý amaly júrgizilip jatyr. Ol ýaqytsha ustaý izoliatoryna qamaldy.
«Osy adamnyń qylmystyq áreketterinen zardap shekken azamattar bizge kelesi telefondar arqyly habarlasa alady: 8708-707-92-02; 8-705-771-13-71; 8-705-555-77-63», – dedi Ysqaqov.
