كەپٸلدەگٸ اۆتوكٶلٸكتٸ ارزانعا «الىپ بەرۋمەن» اينالىسقان الماتىلىق ۇستالدى

الماتىدا الاياقتىق جاسادى دەگەن كٷدٸكپەن ەيەل ۇستالدى, دەپ حابارلايدى "ۇلت اقپارات".

ەيەل جالعا الىنعان اۆتوكٶلٸكتەردٸ تٸزگٸندەپ جٷرٸپ, دەل سول ماركالى اۆتوكٶلٸكتٸ ەكٸنشٸ دەڭگەيلٸ بانكتەن تٶمەن باعادا ساتىپ الۋعا ۋەدە بەرگەن. 

«ۇستالعان 40 جاستاعى ەيەل «تويوتا كامري 55» كٶلٸگٸن جالعا الىپ, ٶزٸنٸڭ تانىستارىن بانكتەردە دەل وسىنداي كەپٸلدەگٸ كٶلٸكتٸ 5 ميلليون تەڭگەگە ساتىپ الۋعا كٶمەكتەسەتٸن «تانىستارى» بار دەپ سەندٸرگەن. ال بۇل ماشينانىڭ نارىقتاعى باعاسى 7 ميلليون تەڭگەدەن جوعارى. وعان سەنگەن ادامدار 3,5-4 ميلليون تەڭگە الدىن-الا تٶلەمدٸ كەپٸلدٸكسٸز بەردٸ. بۇل ەيەل بۇرىن دا وسىنداي ەرەكەتٸ ٷشٸن ٸستٸ بولعان. العان اقشاسىن جەكە قاجەتٸنە جۇمساعان. ەشكٸمگە كٶلٸك الىپ بەرۋ ويىندا بولماعان», – دەدٸ المالى اۋداندىق پوليتسييا باسقارماسىنىڭ باستىعى ەسەن ىسقاقوۆ. 

ۇستالعان ادامعا قاتىستى قىلمىستىق كودەكستٸڭ 190-بابى (الاياقتىق) بويىنشا سوتقا دەيٸنگٸ تەرگەۋ امالى جٷرگٸزٸلٸپ جاتىر. ول ۋاقىتشا ۇستاۋ يزولياتورىنا قامالدى. 

«وسى ادامنىڭ قىلمىستىق ەرەكەتتەرٸنەن زارداپ شەككەن ازاماتتار بٸزگە كەلەسٸ تەلەفوندار ارقىلى حابارلاسا الادى: 8708-707-92-02; 8-705-771-13-71; 8-705-555-77-63», – دەدٸ ىسقاقوۆ.