Foto: Saýda jáne integratsiia ministrliginiń baspasóz qyzmeti
Májilistegi saýda saiasatyn damytý máselelerine arnalǵan Úkimet saǵatynan keiin BAQ ókilderiniń saýalyna jaýap bergen Saýda jáne integratsiia ministri Arman Shaqqaliev Almatydaǵy «Kenjehan» bazarynyń ieleri týraly pikir bildirdi, dep habarlaidy Kazinform.
«Ánipa Nazarbaev «Kenjehan» bazarynyyń ieleriniń quramynda áli bar ma?», - dep surady jýrnalist.
«Bilesiz be, bizge bazardyń iesi kim ekeninen góri saýda nysany retindegi jaǵdaiy qyzyqty. «Iesi kim», «ol qaida», «nege» degen siiaqty súiikti suraqtar kóp. Biz ylǵi aitamyz, ol aqparattyń bári zańdy tizbede bar. Oǵan jalpynyń qoly jetip tur. Ádilet ministrligine iesi kim, qandai ekeni týraly saýal joldaýǵa bolady. Biz úshin saýda nysanynyń qajetti deńgeide, zańdy jumys istegeni mańyzdy. Iaǵni, sýbektilerge emes, obektilerge, infraqurylymǵa, zań talaptaryn oryndalýyna mán beremiz», - dedi ministr.
