Foto:qazir.kz
Kentaýdaǵy jylý ortalyǵy 1934 jyly salynǵan, ony 14 myńnan astam abonent tutynyp otyr,-Túrkistan oblysyna qarasty Kentaý men Arys qalalarynyń máselelerin kótergen depýtat Ulasbek Sádibekov osylai aitty. Bul týraly "Ult Aqparat" tilshisi habarlaidy.
Depýtattyń sózinshe Kendaýda 347 kópqabatty turǵyn úi, 2000 astam jeke sektordaǵy turǵyn úi jáne 106 biýdjettik mekeme men 441 kommertsiialyq nysan bar eken. Ulasbek Sádibekov jylý ortalyǵy jabdyqtarynyń 85 paiyzy tozǵanyn aityp otyr.
"Sonyń saldarynan ótken jylǵy qysqy maýsymda kentaýlyqtar tońyp shyqty. Sapaly jylýdy tutyna almady", -deidi ol.
Kentaý qalasynda 56 kóp qabatty turǵyn úi aýlasy bar eken, depýtat solardyń da problemalaryn kóterdi. Ol 56 aýlanyń 33-ine balalar oiyn alańshasyn salý qajet dep esepteidi.
"Bul máselege jergilikti biýdjettiń qarjysy jetpeidi. Sondyqtan, ákimdik asfalt tóseý, balalar oiyn alańshasyn ornatý jáne abattantyrý maqsatyndaǵy jobalaý smetalyq qujattamalaryn ázirlep, respýblikalyq biýdjetke qarjy qarastyrýǵa biýdjettik ótinim usynǵan. Onyń jalpy quny -2,8 mlrd.teńgeni quraidy", -deidi depýtat.
Sonymen qatar depýtat Sádibekov Kentaý men Arys qalasyna qarasty aýyldarǵa qarajat jetispegennen tabiǵi gazǵa qosý isi kesheýildep jatyrqanyn, taza aýyz sýmen qamtý men káriz jelilerin qaita jańartý kerektigin aitty. Sonymen birge óńirde turǵynúi máselesi de bar ekenin jetkizdi. Kentaýdaǵy turǵyn úi kezeginde 5000-nan astam adam, 10 000-nan astam adam jer kezeginde tur eken.
"Osydan birshama ýaqyt buryn kóterilgen Kentaý qalasyn ekologiialyq aimaqqa ótkizý máselesi de kesheýildep jatyr. Bul baǵytta jinaqtalǵan qujattar men komissiia jumysynyń qorytyndysy Ekologiia jáne tabiǵat resýrstar ministrligi tarapynan Eńbek jáne halyqty áleýmettik qorǵaý ministrligine tapsyrý usynylǵan. Atalǵan ministrlik «Aral óńirindegi ekologiialyq saldarynan zardap shekken azamattardy áleýmettik qorǵaý týraly» Qazaqstan Respýblikasynyń Zańyna sáikes Kentaý qalasy aýmaǵyn ekologiialyq daǵdarys jaǵdaiyna jaqyndaǵan aimaq dep taný máselesin sheshýi tiis. Al, Báidibek aýdany boiynsha bul baǵyttaǵy jumystar toqtap tur", -dedi ol.
Májilismenniń sózinshe bul tek Kentaý men Arys qalasyndaǵy ǵana jaǵdai emes, búkil monoqalaǵa qatysty máseleler.
"Iaǵni, bizde shaǵyn qalalardaǵy sheshimin tappaǵan jaǵdailar kóp. Sondyqtan «Monoqalardy damytý baǵdarlamasyn» qaita iske qosýdy suraimyn. Sonda Kentaý sekildi qalalardyń damýyna úlken septigi tier edi", -dedi depýtat.
