Ońtústik Qazaqstan oblysy, Kentaý qalasynyń jastary latyn álipbiine ótýdi biraýyzdan qoldady. «Jastar resýrstyq ortalyǵynda» ótken dóńgelek ústelde «Latyn álipbiiniń negizi» máselesi talqylandy, dep habarlaidy QazAqparat tilshisi.
Elbasy N.Nazarbaevtyń «Bolashaqqa baǵdar: rýhani jańǵyrý» baǵdarlamalyq maqalasy aiasynda latyn álipbiine kóshý bastamasyna jastar da osylaisha qoldaý bildirip, bas qosty.
«Qazir qoǵam eki tildi qosa alyp júr. Eger latynǵa ótsek, osy olqylyq joiylar edi. Óitkeni, latyn álipbiine kóshý arqyly biz tildik qoldanysymyzdyń tarazy basyn teńestirer edik. Latyn álipbii - álem qazaqtarynyń rýhani birliginiń negizi. HHI ǵasyr - aqparat ǵasyry desek, búgingi kompiýter zamanynda álemdik ǵalamtor júiesindegi aqparat kimniń qolynda bolsa, sol óz biligin emin-erkin júrgize alady. Al, aqparattyń basty quraly - jazý. Iaǵni, ǵalamtor júiesinde ústemdik jasaýshy, ol - latyn grafikasy», - deidi Kentaý qalalyq «Jastar ortalyǵynyń» direktory Qanat Bekmetov.
Túbi bir túrki memleketterinde búginde osy álipbidi qoldanady. Jańa alfavit týystas eldermen bailanysty da nyǵaitatyna senim mol. Ǵylym men bilim tiline ainalǵan latyn qarpi óziniń ústemdigin dáleldep keledi. Sondyqtan damyǵan eldiń qatarynda bolý úshin damyǵan tehnologiiany meńgergen jón. Al álemdegi ortaq tehnika tili búginde latyn álipbiinde jazylady. Osyndai pikir aitqan stýdentter latyn álipbii eń aldymen til tazalyǵyn saqtaidy degen senimde. Basqosýda sóz alǵandar latyn álipbiine kóshý naýqanyna kenshiler qalasyndaǵy jastar bek daiyn ekenderin jetkizdi. Olar Elbasy kórsetken baǵyttan taimai, bolashaqqa bet alý - ozat otyzdyqqa aparar jol ekenin jaqsy biledi. Sondyqtan da sarabdal saiasat, bilgir basshylyq adastyrmas jol, bolyp qala bermek.
