Foto:Pavlodar oblysynyń Tótenshe jaǵdailar departamenti
«Maiqaiyńaltyn» AQ aýmaǵyndaǵy oiyqta gidravlikalyq balǵasy bar ekskavator jumys istep jatyr. Onyń kómegimen kólemi asa úlken emes tastar usaqtalýda, dep habarlaidy Kazinform agenttigi.
Buǵan qosa shaǵyn ekskavator mezgil saiyn joldardy arshyp, júrip-turýǵa yńǵaily etip jatyr. Al qutqarýshylardyń kómegimen keibir asa iri emes tastar ornynan alynýda.
«Keshe oiyq túbindegi ekskavatorlar jalpy kólemi 45 tekshe metr topyraqty qazyp shyǵardy. Gidravlikalyq balǵasy bar ekskvator shaǵyn kólemdi tastyń 60 paiyzyn usaqtady. Tasty ýatý jumystary áli de jalǵasyp jatyr. Qutqarýshylar elektrli pnevmo quraldaryn paidalanyp, kei tastardy qolmen arshýda. Oiyq shetindegi topyraq áli de qulap jatyr» dep habarlady óńirlik tótenshe jaǵdailar departamentiniń baspasóz qyzmeti.
