Mádeniet jáne sport ministri Arystanbek Muhamediuly qazaqstandyq ǵalymdardyń Kenesary hanǵa tiesili zattardy izdep jatqanyn aitty, - dep habarlaidy "Ult aqparat".
"Kenesary hannyń bassúieginen bólek, onyń turmysta jáne soǵysta qoldanǵan zattary da bar bolýy kerek. Biz qazir sol máselemen ainalysyp jatyrmyz. Mysaly: Kenesarynyń myltyǵy, jazǵan hattary. Olardy da izdeý kerek. Osy baǵytta da úlken jumystar atqaryp kelemiz", - dedi Arystanbek Muhamediuly.
Sondai-aq, ministr mamandardyń qazaq hanynyń bassúiegin izdestirý jumystaryn áli de jalǵastyryp jatqanyn aitty.
"Kenesary hannyń bassúiegin izdestirý jumystary jalǵasatyn bolady. Biz onyń naqty qaida jatqanyn bilmeimiz. Biraq hannyń bassúieginiń áli de bar ekeni jaily málimetti tolyqtai joqqa shyǵara almaimyz. Oǵan eshkimniń quqyǵy joq. Olai aitatyn bolsaq, durys bolmaidy", - dedi Mádeniet jáne sport ministri.
Eske sala keteiik, búgin ǵalymdar Keiki batyrdyń qoladan jasalǵan músinin kórsetken bolatyn. Vengr antropology Andrash Jolt Biro Tengrinews.kz redaktsiiasyna Keiki batyrdyń biýstiniń sýretin joldady.
.jpeg)