Elorda ákimdiginde saýda ortalyqtary men adamdar kóp jinalatyn oryndarda qaýipsizdik sharalaryn kúsheitý máselesi talqylandy, dep habarlandy Astana ákimdiginiń resmi saitynda.
Jiyn barysynda Astanadaǵy saýda, oiyn-saýyq ortalyqtaryndaǵy órt qaýipsizdigi qala ákimdiginiń udaiy baqylaýynda ekendigi atap ótildi.
Astana qalalyq Tótenshe jaǵdailar departamentiniń málimetinshe, búginde táýekel deńgeii joǵary 117 saýda nysany esepte tur, onyń 83-i saýda úii, 9 - saýda, oiyn-saýyq ortalyǵy, 25-i bazarlar.
2017 jyly arnaiy tártippen 46 tekserý júrgizilgen. Olardyń barysynda evakýatsiia joldarynyń bolýy, jaryq berýshi elektr jelileriniń jaǵdaiy, órtti anyqtaityn avtomatty júielerdiń jumys istep turýy, nysan ishinde jáne syrtta órtke qarsy sýmen jabdyqtaý jelileriniń bolýy, alǵashqy órt sóndirý quraldarynyń saqadai sai turýy nazarǵa alyndy.
Toǵyz OSO-nyń 6-aýy tekserildi. Úsh ortalyqtan ereje buzýdyń 32 faktisi anyqtalǵan. Ákimshilik jaýapkershilikke 3 adam tartylyp, aiyppul salyndy. 2 OSO-da aýdit júrgizildi, al 1 nysanǵa (Mega Silk Way Astana) tekserý osy jyly jasalady.
Biyl arnaiy tártippen Astanadaǵy 50 saýda obektilerine qatysty tekserý júrgiziledi. Tekserý kezinde qaýipsizdik tehnikalary erejesiniń saqtalýy, órt sóndirý júiesi men habarlandyrý, evakýatsiia shemasy men apattyq shyǵý joldaryna basa mán berilmek.
