"Zimniaia vishnia" saýda ortalyǵynda shyqqan órtti sóndirý kezinde bolǵan órt sóndirý qyzmetiniń komandirine qatysty salǵyrttyq tanytqany úshin qylmytyq is qozǵaldy. Bul týraly Resei Tergeý komitetiniń ókili Svetlana Petrenko málimdedi, - dep habarlaidy Tengrinews.kz tilshisi.
Vedomstvodaǵylar órt sóndirý jáne qutqarý № 2 qyzmeti qaraýylynyń basshysy Sergei Geninniń órtenip jatqan ǵimarattyń batys bóligine kirgenin aitady.
Kýágerlerdiń biri oǵan 4-qabatta №2 kinozalda adamdardyń onyń ishinde balalardyń kóptigin aityp, eń jyldam jetýdiń joly osy batys bóliginen kirýge bolatynyn aitqan.
"Genin bul málimetti elemei, jospar syzbasymen teksermegen. Ol órt sóndirýshilerdi ózi turǵan jerden ońtústik-shyǵys bóligindegi kireberiske jibergen. Olar 4-qabatqa jetkende esiktiń jabyq turǵanyn kórip, qaita túsip batys bóligindegi esikten kirgen. Órt sóndirý qyzmetiniń mamandary birneshe adamdy aman alyp qalyp, qaýipsiz jerge evakýatsiialaý ýaqytyn tekke jumsaǵanyn aitady. Geninniń salǵyrttyǵynyń kesirinen "Zimniaia Vishnia" saýda ortalyǵynda tórtinshi qabatta ornalasqan kinozalda keminde 37 adam qaza tapty", - dedi Tergeý komitetindegiler.
Geninniń turyp jatqan jerinde tintý sharalary júrgizildi. Taiaý ýaqytta ol qamaýǵa alynady.
Eske sala keteiik, Kemerovadaǵy "Zimniaia vishnia" saýda ortalyǵynda 25 naýryzda órt bolyp, 64 adam qaza tapty, olardyń arasynda 41 bala bar. Bul oqiǵaǵa qatysty qylmystyq is qozǵalyp, tergeý júrip jatyr.
