"زيمنيايا ۆيشنيا" ساۋدا ورتالىعىندا شىققان ٶرتتٸ سٶندٸرۋ كەزٸندە بولعان ٶرت سٶندٸرۋ قىزمەتٸنٸڭ كومانديرٸنە قاتىستى سالعىرتتىق تانىتقانى ٷشٸن قىلمىتىق ٸس قوزعالدى. بۇل تۋرالى رەسەي تەرگەۋ كوميتەتٸنٸڭ ٶكٸلٸ سۆەتلانا پەترەنكو مەلٸمدەدٸ, - دەپ حابارلايدى Tengrinews.kz تٸلشٸسٸ.
ۆەدومستۆوداعىلار ٶرت سٶندٸرۋ جەنە قۇتقارۋ № 2 قىزمەتٸ قاراۋىلىنىڭ باسشىسى سەرگەي گەنيننٸڭ ٶرتەنٸپ جاتقان عيماراتتىڭ باتىس بٶلٸگٸنە كٸرگەنٸن ايتادى.
كۋەگەرلەردٸڭ بٸرٸ وعان 4-قاباتتا №2 كينوزالدا ادامداردىڭ ونىڭ ٸشٸندە بالالاردىڭ كٶپتٸگٸن ايتىپ, ەڭ جىلدام جەتۋدٸڭ جولى وسى باتىس بٶلٸگٸنەن كٸرۋگە بولاتىنىن ايتقان.
"گەنين بۇل مەلٸمەتتٸ ەلەمەي, جوسپار سىزباسىمەن تەكسەرمەگەن. ول ٶرت سٶندٸرۋشٸلەردٸ ٶزٸ تۇرعان جەردەن وڭتٷستٸك-شىعىس بٶلٸگٸندەگٸ كٸرەبەرٸسكە جٸبەرگەن. ولار 4-قاباتقا جەتكەندە ەسٸكتٸڭ جابىق تۇرعانىن كٶرٸپ, قايتا تٷسٸپ باتىس بٶلٸگٸندەگٸ ەسٸكتەن كٸرگەن. ٶرت سٶندٸرۋ قىزمەتٸنٸڭ ماماندارى بٸرنەشە ادامدى امان الىپ قالىپ, قاۋٸپسٸز جەرگە ەۆاكۋاتسييالاۋ ۋاقىتىن تەككە جۇمساعانىن ايتادى. گەنيننٸڭ سالعىرتتىعىنىڭ كەسٸرٸنەن "زيمنيايا ۆيشنيا" ساۋدا ورتالىعىندا تٶرتٸنشٸ قاباتتا ورنالاسقان كينوزالدا كەمٸندە 37 ادام قازا تاپتى", - دەدٸ تەرگەۋ كوميتەتٸندەگٸلەر.
گەنيننٸڭ تۇرىپ جاتقان جەرٸندە تٸنتۋ شارالارى جٷرگٸزٸلدٸ. تاياۋ ۋاقىتتا ول قاماۋعا الىنادى.
ەسكە سالا كەتەيٸك, كەمەروۆاداعى "زيمنيايا ۆيشنيا" ساۋدا ورتالىعىندا 25 ناۋرىزدا ٶرت بولىپ, 64 ادام قازا تاپتى, ولاردىڭ اراسىندا 41 بالا بار. بۇل وقيعاعا قاتىستى قىلمىستىق ٸس قوزعالىپ, تەرگەۋ جٷرٸپ جاتىر.
