«Teginde, adam balasy adam balasynan aqyl, bilim, ar, minez degen qasiettermen ozady» degen hákim Abaidyń sózi qai zamanda da óz mánin joiǵan emes. Kerisinshe bul qasterli joldardyń qadiri kún sanap artyp kele jatqanyna kýá bolyp otyrmyz. Ozyq oily adamdar - qoǵamnyń tárbiesine, damýyna jáne ózgerýine óz úlesin qosatyn áleýetti kúsh. Mine, sondyqtan Qazaqstan halqy Memleket basshysy jariialaǵan bes áleýmettik bastamanyń mán-mańyzyn tereń uǵynyp, bul aýqymdy baǵdarlamanyń bolashaǵy men ákeler jańalyǵyna, jaqsylyǵyna kámil senedi. Jańa ǵasyr - ózgerister kezeńi. Al, ýaqyt bir orynda turmaidy. Onymen birge qoǵamnyń bilim alyp, ǵylym qýýǵa degen umtylysy arta túspek. Endeshe, Elbasy Nursultan Nazarbaevtyń tyń josparlary men aýqymdy jobalary dál osy aýmaly-tókpeli shaqtyń suranystaryna sai kelip otyr dep aitýǵa ábden negiz bar.
Búgingi bilimdi ám bilikti jas - eldiń erteńgi bolashaǵy. Jańa tehnologiialar damyp, ómirimizdiń ajyramas bólshegine ainalǵan zamanda jańa talap jas býynǵa múmkindikter týdyryp, olarǵa dańǵyl jol salý - ulttyq jáne memlekettik múddeniń qoǵam tilegimen úilesýiniń aiqyn bir kórinisi deýge bolatyn shyǵar. Memleket basshysynyń ózi «Qazaqstandy HHI ǵasyrda damyǵan eldermen teńestirip, órkenietti álemnen mártebeli oryn alýyna yqpal eter birden-bir qudiret - bilim, bilimdi urpaq. Qazirgi zamanda jastarǵa aqparattyq tehnologiiamen bailanysty álemdik standartqa sai múddeli jańa bilim berý óte qajet», - dep, HHI ǵasyrdy ǵylym men bilimniń ǵasyry atady. Iá, sondyqtan Nursultan Ábishuly jastardyń joǵary bilim alýyna jaǵdai jasap, mamandyq ielerin sapaly daiyndaý men stýdentterdiń jataqhanadaǵy jai-kúiin jaqsartýǵa baǵyttalǵan jańa bastamalarynyń birinde sózsiz úlken senim men qoldaý jatyr.
Sońǵy eleýli ózgeristerge qatysty oqý oryndary basshylarynyń, oqytýshylar qaýymy men stýdentterdiń pikiri joǵaryda keltirgen sózderimizge dálel bola alady.
"Sózsiz, bizdiń jańa qoǵamnyń damý úrdisiniń jedel jáne ilgeri qadam basýynda Memleket basshysynyń bes áleýmettik bastamasynyń alatyn orny erekshe. Jeke basym bul bastamalardy aldaǵy ýaqytta naqty júzege asatyn tyń baǵdarlama jáne jaqsy qadamdar der edim. Tehnikalyq oqý ornynyń oqytýshysy retinde, árine, eń aldymen úshinshi bastamaǵa toqtala ketkim kelip otyr. Sapaly joǵary bilim berý men jataqhana máselesiniń sheshilýi, tehnikalyq mamandyq ielerine qosymsha taǵy 20 granttyń bólinýi - osynyń bári bizdiń kolledj stýdentteriniń joǵarǵy oqý ornyna túsýlerine birden-bir múmkindik bolyp otyr", - deidi Aqmola oblystyq joǵary tehnikalyq kolledj ustazy Qarlyǵash Qalieva.
Bul igi bastamanyń «tórtinshi indýstrialdy revoliýtsiia» jaǵdaiynda qoǵamda suranysqa ie myńdaǵan sapaly maman ielerin daiyndaýǵa múmkindik bermek.
Kókshetaý qalasyndaǵy joǵary tehnikalyq kolledj stýdenti Manas Ahmetjanov dál osy jarqyn jańalyqtardyń bolashaǵyna bir adamdai senetinin jetkizdi: "Men - tehnikalyq maman iesimin. Elbasynyń bes bastamasynda tehnikalyq maman ielerine úlken múmkindikter qarastyrylǵan kórip otyrmyz. Bul bastamalardyń arqasynda bizdiń mamandyqqa degen suranys kóbeiip, jastardyń jumysqa ornalasý múmkindigi eselenip otyr".
Prezident bastamalary sóz júzinde qalmai, elimizdiń birqatar óńiriniń basshylyq kóleminde áldeqashan naqty sheshimder qabyldanyp úlgergen. Mysaly, búgingi kúni Pavlodar oblysy bolashaq mamandardy jataqhanamen qamtý jaǵynan el kóleminde kósh bastap turǵanyn aitýǵa bolady. Bul óńirde sońǵy bes jylda tórt jańa jataqhana salynǵan. Soǵan qaramastan áli de tapshylyq baiqalatyny belgili boldy. Ótken jyldyń sońynda ǵana tústi metallýrgiia kolledjiniń stýdentteri úshin qos birdei jataqhana boi kótergen. Besqabatty eńseli ǵimarattarda tálimgerlerdiń alańsyz bilim alýy úshin barlyq múmkindik jasalǵan. Jaily jatyn bólmelerden bólek ashana, zamanaýi trenajer zaly, kir jýatyn oryn da bar. Jataqhanalardy Pavlodardyń aliýminii zaýyty tolyqtai óz qarjysyna salyp bergen. Óitkeni oqý orny kásiporynǵa naǵyz kásibi mamandar daiarlaidy. Sondyqtan bolashaq jumysshylarǵa laiyqty jaǵdai jasaýdyń mańyzy zor.
"Birinshi kýrsta jataqhana jaǵdaiy qiyn boldy. Oqýmen qatar biraz ter tógýge týra kelip edi. Óitkeni páter jaldap turdyq. Jańa jataqhana ashylǵanda qatty qýanǵanymyz ras. Munda barlyq nárse tegin. Tegin turyp jatyrmyz. Oqýdy bitirgennen keiin zaýytqa ornalasyp, ári qarai el ekonomikasyn damytýǵa, memlekettiń órkendep-ósýine óz úlesimdi qosamyn dep úmittenemin", - deidi 2 kýrs stýdenti Qýanysh Sharapiev.
«Joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaiyn jaqsartý» týraly Elbasy bastamasy Pavlodar oblysy aktivinde de talqylanǵan.
Mysaly, «Serpin» baǵdarlamasymen elimizdiń ońtústik óńirlerinen jáne Qytai, Mońǵoliiadan kelip oqityn jastardyń jyl saiyn kóbeiýi áserinen jataqhana máselesiniń aimaqta ótkir turǵanyn jetkizgen S.Toraiǵyrov atyndaǵy PMÝ rektorynyń usynysy aiaqsyz qalmaǵan. Joǵary oqý oryndaryna arnap jańa jataqhana salý týraly sheshim biraýyzdan qabyldanǵan.
"Alqaly jiynda jataqhana qurylysyn júrgizetin oryndy belgilep, jobalyq-smetalyq qujattaryn bir apta kóleminde ázirleýge tapsyrma berilip úlgerdi. Prezidenttiń bastamalary elimizdegi stýdentterdiń jaǵdaiyn jaqsartýǵa baǵyttalyp otyr", - deidi Sultanmahmut Toraiǵyrov atyndaǵy PMÝ rektory Gaýhar Ahmetova.
Al, Innovatsiialyq Eýraziia ýniversitetiniń rektory Marat Baiandin bolsa, oqý granttarynyń tehnikalyq mamandyqtarǵa jyldaǵydan kóp bólinetinin, ásirese IT tehnologiia, robotty tehnika mamandyqtaryna basymdyq berilýiniń jaqsy jańalyq bolǵanyn aitady.
"Biz jahandyq damýdyń jańa satysyna aiaq bastyq", - deidi ol.
Mine, osyndai ózgeristerden-aq biz Elbasy bastamalarynyń jemisi men jeńisi mol bolaryn ýaqytynan buryn baǵamdai alamyz. Óskeleń urpaqqa degen qamqorlyǵyn aiamaǵan Memleket basshysy "keleshektiń kemel bolýy – bilim urpaq" ekendigin biik minberlerde únemi aityp júredi. Óitkeni jastardy qoldaý – memlekettik múdde jáne qoldap qana qoimai, olarǵa baǵyt baǵdar berý – eldik is.
