«تەگٸندە, ادام بالاسى ادام بالاسىنان اقىل, بٸلٸم, ار, مٸنەز دەگەن قاسيەتتەرمەن وزادى» دەگەن ھەكٸم ابايدىڭ سٶزٸ قاي زاماندا دا ٶز مەنٸن جويعان ەمەس. كەرٸسٸنشە بۇل قاستەرلٸ جولداردىڭ قادٸرٸ كٷن ساناپ ارتىپ كەلە جاتقانىنا كۋە بولىپ وتىرمىز. وزىق ويلى ادامدار - قوعامنىڭ تەربيەسٸنە, دامۋىنا جەنە ٶزگەرۋٸنە ٶز ٷلەسٸن قوساتىن ەلەۋەتتٸ كٷش. مٸنە, سوندىقتان قازاقستان حالقى مەملەكەت باسشىسى جارييالاعان بەس ەلەۋمەتتٸك باستامانىڭ مەن-ماڭىزىن تەرەڭ ۇعىنىپ, بۇل اۋقىمدى باعدارلامانىڭ بولاشاعى مەن ەكەلەر جاڭالىعىنا, جاقسىلىعىنا كەمٸل سەنەدٸ. جاڭا عاسىر - ٶزگەرٸستەر كەزەڭٸ. ال, ۋاقىت بٸر ورىندا تۇرمايدى. ونىمەن بٸرگە قوعامنىڭ بٸلٸم الىپ, عىلىم قۋۋعا دەگەن ۇمتىلىسى ارتا تٷسپەك. ەندەشە, ەلباسى نۇرسۇلتان نازارباەۆتىڭ تىڭ جوسپارلارى مەن اۋقىمدى جوبالارى دەل وسى اۋمالى-تٶكپەلٸ شاقتىڭ سۇرانىستارىنا ساي كەلٸپ وتىر دەپ ايتۋعا ەبدەن نەگٸز بار.
بٷگٸنگٸ بٸلٸمدٸ ەم بٸلٸكتٸ جاس - ەلدٸڭ ەرتەڭگٸ بولاشاعى. جاڭا تەحنولوگييالار دامىپ, ٶمٸرٸمٸزدٸڭ اجىراماس بٶلشەگٸنە اينالعان زاماندا جاڭا تالاپ جاس بۋىنعا مٷمكٸندٸكتەر تۋدىرىپ, ولارعا داڭعىل جول سالۋ - ۇلتتىق جەنە مەملەكەتتٸك مٷددەنٸڭ قوعام تٸلەگٸمەن ٷيلەسۋٸنٸڭ ايقىن بٸر كٶرٸنٸسٸ دەۋگە بولاتىن شىعار. مەملەكەت باسشىسىنىڭ ٶزٸ «قازاقستاندى ححٸ عاسىردا دامىعان ەلدەرمەن تەڭەستٸرٸپ, ٶركەنيەتتٸ ەلەمنەن مەرتەبەلٸ ورىن الۋىنا ىقپال ەتەر بٸردەن-بٸر قۇدٸرەت - بٸلٸم, بٸلٸمدٸ ۇرپاق. قازٸرگٸ زاماندا جاستارعا اقپاراتتىق تەحنولوگييامەن بايلانىستى ەلەمدٸك ستاندارتقا ساي مٷددەلٸ جاڭا بٸلٸم بەرۋ ٶتە قاجەت», - دەپ, ححٸ عاسىردى عىلىم مەن بٸلٸمنٸڭ عاسىرى اتادى. يە, سوندىقتان نۇرسۇلتان ەبٸشۇلى جاستاردىڭ جوعارى بٸلٸم الۋىنا جاعداي جاساپ, ماماندىق يەلەرٸن ساپالى دايىنداۋ مەن ستۋدەنتتەردٸڭ جاتاقحاناداعى جاي-كٷيٸن جاقسارتۋعا باعىتتالعان جاڭا باستامالارىنىڭ بٸرٸندە سٶزسٸز ٷلكەن سەنٸم مەن قولداۋ جاتىر.
سوڭعى ەلەۋلٸ ٶزگەرٸستەرگە قاتىستى وقۋ ورىندارى باسشىلارىنىڭ, وقىتۋشىلار قاۋىمى مەن ستۋدەنتتەردٸڭ پٸكٸرٸ جوعارىدا كەلتٸرگەن سٶزدەرٸمٸزگە دەلەل بولا الادى.
"سٶزسٸز, بٸزدٸڭ جاڭا قوعامنىڭ دامۋ ٷردٸسٸنٸڭ جەدەل جەنە ٸلگەرٸ قادام باسۋىندا مەملەكەت باسشىسىنىڭ بەس ەلەۋمەتتٸك باستاماسىنىڭ الاتىن ورنى ەرەكشە. جەكە باسىم بۇل باستامالاردى الداعى ۋاقىتتا ناقتى جٷزەگە اساتىن تىڭ باعدارلاما جەنە جاقسى قادامدار دەر ەدٸم. تەحنيكالىق وقۋ ورنىنىڭ وقىتۋشىسى رەتٸندە, ەرينە, ەڭ الدىمەن ٷشٸنشٸ باستاماعا توقتالا كەتكٸم كەلٸپ وتىر. ساپالى جوعارى بٸلٸم بەرۋ مەن جاتاقحانا مەسەلەسٸنٸڭ شەشٸلۋٸ, تەحنيكالىق ماماندىق يەلەرٸنە قوسىمشا تاعى 20 گرانتتىڭ بٶلٸنۋٸ - وسىنىڭ بەرٸ بٸزدٸڭ كوللەدج ستۋدەنتتەرٸنٸڭ جوعارعى وقۋ ورنىنا تٷسۋلەرٸنە بٸردەن-بٸر مٷمكٸندٸك بولىپ وتىر", - دەيدٸ اقمولا وبلىستىق جوعارى تەحنيكالىق كوللەدج ۇستازى قارلىعاش قاليەۆا.
بۇل يگٸ باستامانىڭ «تٶرتٸنشٸ يندۋستريالدى رەۆوليۋتسييا» جاعدايىندا قوعامدا سۇرانىسقا يە مىڭداعان ساپالى مامان يەلەرٸن دايىنداۋعا مٷمكٸندٸك بەرمەك.
كٶكشەتاۋ قالاسىنداعى جوعارى تەحنيكالىق كوللەدج ستۋدەنتٸ ماناس احمەتجانوۆ دەل وسى جارقىن جاڭالىقتاردىڭ بولاشاعىنا بٸر ادامداي سەنەتٸنٸن جەتكٸزدٸ: "مەن - تەحنيكالىق مامان يەسٸمٸن. ەلباسىنىڭ بەس باستاماسىندا تەحنيكالىق مامان يەلەرٸنە ٷلكەن مٷمكٸندٸكتەر قاراستىرىلعان كٶرٸپ وتىرمىز. بۇل باستامالاردىڭ ارقاسىندا بٸزدٸڭ ماماندىققا دەگەن سۇرانىس كٶبەيٸپ, جاستاردىڭ جۇمىسقا ورنالاسۋ مٷمكٸندٸگٸ ەسەلەنٸپ وتىر".
پرەزيدەنت باستامالارى سٶز جٷزٸندە قالماي, ەلٸمٸزدٸڭ بٸرقاتار ٶڭٸرٸنٸڭ باسشىلىق كٶلەمٸندە ەلدەقاشان ناقتى شەشٸمدەر قابىلدانىپ ٷلگەرگەن. مىسالى, بٷگٸنگٸ كٷنٸ پاۆلودار وبلىسى بولاشاق مامانداردى جاتاقحانامەن قامتۋ جاعىنان ەل كٶلەمٸندە كٶش باستاپ تۇرعانىن ايتۋعا بولادى. بۇل ٶڭٸردە سوڭعى بەس جىلدا تٶرت جاڭا جاتاقحانا سالىنعان. سوعان قاراماستان ەلٸ دە تاپشىلىق بايقالاتىنى بەلگٸلٸ بولدى. ٶتكەن جىلدىڭ سوڭىندا عانا تٷستٸ مەتاللۋرگييا كوللەدجٸنٸڭ ستۋدەنتتەرٸ ٷشٸن قوس بٸردەي جاتاقحانا بوي كٶتەرگەن. بەسقاباتتى ەڭسەلٸ عيماراتتاردا تەلٸمگەرلەردٸڭ الاڭسىز بٸلٸم الۋى ٷشٸن بارلىق مٷمكٸندٸك جاسالعان. جايلى جاتىن بٶلمەلەردەن بٶلەك اسحانا, زاماناۋي ترەناجەر زالى, كٸر جۋاتىن ورىن دا بار. جاتاقحانالاردى پاۆلوداردىڭ اليۋمينيي زاۋىتى تولىقتاي ٶز قارجىسىنا سالىپ بەرگەن. ٶيتكەنٸ وقۋ ورنى كەسٸپورىنعا ناعىز كەسٸبي ماماندار دايارلايدى. سوندىقتان بولاشاق جۇمىسشىلارعا لايىقتى جاعداي جاساۋدىڭ ماڭىزى زور.
"بٸرٸنشٸ كۋرستا جاتاقحانا جاعدايى قيىن بولدى. وقۋمەن قاتار بٸراز تەر تٶگۋگە تۋرا كەلٸپ ەدٸ. ٶيتكەنٸ پەتەر جالداپ تۇردىق. جاڭا جاتاقحانا اشىلعاندا قاتتى قۋانعانىمىز راس. مۇندا بارلىق نەرسە تەگٸن. تەگٸن تۇرىپ جاتىرمىز. وقۋدى بٸتٸرگەننەن كەيٸن زاۋىتقا ورنالاسىپ, ەرٸ قاراي ەل ەكونوميكاسىن دامىتۋعا, مەملەكەتتٸڭ ٶركەندەپ-ٶسۋٸنە ٶز ٷلەسٸمدٸ قوسامىن دەپ ٷمٸتتەنەمٸن", - دەيدٸ 2 كۋرس ستۋدەنتٸ قۋانىش شاراپيەۆ.
«جوعارى بٸلٸم الۋدىڭ قولجەتٸمدٸلٸگٸ مەن ساپاسىن ارتتىرىپ, ستۋدەنت جاستاردىڭ جاتاقحاناداعى جاعدايىن جاقسارتۋ» تۋرالى ەلباسى باستاماسى پاۆلودار وبلىسى اكتيۆٸندە دە تالقىلانعان.
مىسالى, «سەرپٸن» باعدارلاماسىمەن ەلٸمٸزدٸڭ وڭتٷستٸك ٶڭٸرلەرٸنەن جەنە قىتاي, موڭعولييادان كەلٸپ وقيتىن جاستاردىڭ جىل سايىن كٶبەيۋٸ ەسەرٸنەن جاتاقحانا مەسەلەسٸنٸڭ ايماقتا ٶتكٸر تۇرعانىن جەتكٸزگەن س.تورايعىروۆ اتىنداعى پمۋ رەكتورىنىڭ ۇسىنىسى اياقسىز قالماعان. جوعارى وقۋ ورىندارىنا ارناپ جاڭا جاتاقحانا سالۋ تۋرالى شەشٸم بٸراۋىزدان قابىلدانعان.
"القالى جيىندا جاتاقحانا قۇرىلىسىن جٷرگٸزەتٸن ورىندى بەلگٸلەپ, جوبالىق-سمەتالىق قۇجاتتارىن بٸر اپتا كٶلەمٸندە ەزٸرلەۋگە تاپسىرما بەرٸلٸپ ٷلگەردٸ. پرەزيدەنتتٸڭ باستامالارى ەلٸمٸزدەگٸ ستۋدەنتتەردٸڭ جاعدايىن جاقسارتۋعا باعىتتالىپ وتىر", - دەيدٸ سۇلتانماحمۇت تورايعىروۆ اتىنداعى پمۋ رەكتورى گاۋحار احمەتوۆا.
ال, يننوۆاتسييالىق ەۋرازييا ۋنيۆەرسيتەتٸنٸڭ رەكتورى مارات باياندين بولسا, وقۋ گرانتتارىنىڭ تەحنيكالىق ماماندىقتارعا جىلداعىدان كٶپ بٶلٸنەتٸنٸن, ەسٸرەسە ٸت تەحنولوگييا, روبوتتى تەحنيكا ماماندىقتارىنا باسىمدىق بەرٸلۋٸنٸڭ جاقسى جاڭالىق بولعانىن ايتادى.
"بٸز جاھاندىق دامۋدىڭ جاڭا ساتىسىنا اياق باستىق", - دەيدٸ ول.
مٸنە, وسىنداي ٶزگەرٸستەردەن-اق بٸز ەلباسى باستامالارىنىڭ جەمٸسٸ مەن جەڭٸسٸ مول بولارىن ۋاقىتىنان بۇرىن باعامداي الامىز. ٶسكەلەڭ ۇرپاققا دەگەن قامقورلىعىن اياماعان مەملەكەت باسشىسى "كەلەشەكتٸڭ كەمەل بولۋى – بٸلٸم ۇرپاق" ەكەندٸگٸن بيٸك مٸنبەرلەردە ٷنەمٸ ايتىپ جٷرەدٸ. ٶيتكەنٸ جاستاردى قولداۋ – مەملەكەتتٸك مٷددە جەنە قولداپ قانا قويماي, ولارعا باعىت باعدار بەرۋ – ەلدٸك ٸس.
