Kórmeniń bir bóligine Abai muralary qoiylmaq, dep habarlaidy QazAqparat.
«Qazaqstan Prezidenti Qasym-Jomart Toqaevtyń «Abaidyń 175 jyldyǵyn merekeleý týraly» Jarlyǵyn júzege asyrý aiasynda oblystyq tujyrymdama men óńirlik is-sharalar jospary ázirlendi. Olardy sátti ótkizý jóninde jumys komissiiasy quryldy. Komissiia quramyna ártúrli qyzmet salasynyń ókilderi – tarihshylar men ádebiettanýshylar, qoǵam qairatkerleri men jýrnalister kirdi», - dedi Shyǵys Qazaqstan oblysynyń ákimi Danial Ahmetov.
Onyń aitýyna qaraǵanda, josparǵa engen is-sharalar kesheniniń negizgi maqsaty – Abaidyń kóp qyrly filosofiialyq jáne shyǵarmashylyq murasyn jan-jaqty ashý arqyly dostyq pen jasampazdyqty kórsetý bolyp otyr.
«Abai jyly aiasynda 560 shara ótkizemiz. Sonymen birge, aldaǵy jyldary Kembridj ýniversitetiniń «Fitzwilliam» murajaiynda úlken «Uly dala altyny» kórmesin ótkizemiz. Ol kórmeniń bir bóligi – Abai murasy men shyǵarmasyna arnalady. Ol kórme atalmysh murajaida kelesi jyldyń maýsym aiynan tamyzyna deiin uiymdastyrylady. Osylaisha, aǵylshyndar Uly dalanyń tarihymen tanysady», - dedi ol.
