"Astana" xalyqaralyq qarjy ortalyǵynyń tóraǵasy Qairat Kelimbetov ortalyqtyń jańa seriktesteri týraly aityp berdi, dep xabarlaidy Ult.kz tilshisi QazAqparat agenttigine silteme jasap.
"Astana" ortalyǵy Shanxai qor birjasy men amerikalyq Nasdaq Inc birjasymen ornatylǵan áriptestikti odan ári keńeitip, Eýropanyń eń iri birjalarynyń birin tartýdy kózdeidi.
"Nasdaq búginde saýda protsesterin IT-sheshimdermen qamtamasyz etýshi provaider bolyp otyr. Sonymen qatar biz Nasdaq-ty AHQO aktsioneri bolýǵa shaqyryp jatyrmyz", - dedi Kelimbetov amerikalyq biznes qaýymdastyqpen bolǵan kezdesýi barysynda tilshilerge bergen suxbatynda.
Ortalyqtyń aktsioneri jáne strategiialyq seriktesi - Shanxai qor birjasy qazaqstandyq birjany álemdik standarttarǵa sai joǵary texnologiialyq birjalardyń birine ainaldyrýdy josparlap otyr.
"Qazir biz Eýropanyń eń iri ulttyq birjalarynyń birin "Astana" qarjy ortalyǵyna seriktes etý úshin kelissózder júrgizýdemiz. Bul xalyqaralyq birjalardyń Astanadaǵy áriptestiginiń birinshi kezeńi ǵana. Kelesi kezeńde biz jahandyq investitsiialyq bankterdi jáne jahandyq qorlardy shaqyratyn bolamyz. Bul ekinshi kezeń bolady. Jyl sońynda alǵashqy nátijelerdi jariialaityn bolamyz", - dep tolyqtyrdy Qairat Kelimbetov.
Onyń sózine qaraǵanda, Eýropanyń Qaita qurý jáne Damý bankimen birge AHQO "jasyl" qarjylyq júieni qurý boiynsha bas-jospar daiyndaýda. Ol Qazaqstannyń "jasyl" ekonomikany damytý bastamalaryn qoldaýǵa jol ashpaq.
