Shyǵys Qazaqstan oblysynda Buqtyrma jaǵalaýyn abattandyrýǵa basa kóńil bólinedi. Bul týraly aimaq ákimi Danial Ahmetov aitty, dep habarlaidy QazAqparat.
«Ishki týrizmdi damytýǵa erekshe kóńil bólinýde. Jyl basynan beri bul salaǵa 5,4 mlrd teńge investitsiia tartyldy, onyń ishinde 1,5 mlrd teńgege Qaton-Qaraǵai aýdanynyń Óreli aýylynda 250 oryndyq týristik keshen salyndy. Osylaisha kishkentai aýylda úlken tamasha qonaqúi salyndy», - dedi Ahmetov Ortalyq kommýnikatsiialar qyzmetinde ótken baspasóz máslihatynda.
Sonymen birge, ákimniń aitýynsha, 12 mlrd teńgege 36 jobany júzege asyrý, onyń ishinde Buqtyrma sý qoimasy jaǵalaýynda 12 demalys bazasyn salý jumystary bastaldy.
«Biz Alakól kólin damytýǵa 17 mlrd teńge jumsadyq, qazir baǵytymyzdy ózgertip, ózimizdiń Buqtyrma jaǵalaýyn damytýǵa aýysyp jatyrmyz. Bizge úsh jyl ýaqyt kerek, sonda bul jaǵalaý eldegi kez kelgen kýrorttyq aimaqpen básekege túse alady, tipti asyp ta ketemiz. Bulai senimdi aitýymnyń syry nede? Tek qana bizdiń oblysta maral múiizimen emdeý úshin tabiǵi resýrs bar. Bul biz damytatyn baǵyttardyń biri bolady, damytýdy bastap ta kettik», - dedi ShQO ákimi.
