Almaty oblysy Kegen aýdanynda qubyrǵa túsken úsh birdei adam qaza tapty. Derekterge súiensek bir otbasynda ákesi men 15 jastaǵy balasy úiinde sý toqtap qalǵan soń kórshisin ertip alyp qubyrdy teksermek bolǵan. Alaida túskennen soń úsheýi de qaita shyǵa almai qalǵan. Marqumdardyń týystary qubyr qurylysyn durys júrgizbegen basshylyqty kinálaýda. Bul týraly "Ult aqparat" KTK arnasyna silteme jasap habarlaidy.
Marqumdardyń týystary bul jaitqa asfalt tóseý kezinde kommýnaldyq jeliniń durys ornatylýyn qadaǵalamaǵan jergilikti ákimdikti kináláp otyr.
"Birinshi inimdi alyp shyqty. Qarasaq, denesi sýyp ketken. Birinshi kómekten keiin qusyp jiberip, kózin ashty, boldy. "Júrip ketken" dedi. Odan keiin Serik degen aǵany shyǵardy. Úshinshisinde, túbine jete almai, sý bolyp tur ishi. Órt sóndirýshiler sýdy sorǵyzyp, balany shyǵaryp aldy. Ol kezde bala kógerip ketken", – dedi marqumnyń týysy Dina Aitbaeva.
Oqiǵa keshqurym ýaqytta bolǵan. Basynda qudyqty bir qarap shyǵýǵa 15 jastaǵy jasóspirim túsip, talyp qalǵan. Ákesi qutqarýǵa umtylǵanymen, keri shyǵa almai, es-tússiz qulaǵan. Artynan 56 jastaǵy kórshisi túsip, ol da shyǵa almaǵan.
Týystarynyń aitýynsha qudyqtyń beti kólik júretin joldan bir qarys tómen ornalasqan. Topyraqpen kómilip jatqanyna bir aidan asypty. Biteý turyp, aýa ainalymy júrmegenlikten, ishinde ýly gaz paida bolýy múmkin.
"Sý júrgizilgennen keiin jol salynǵan kezde tehnologiia boiynsha qudyqtyń beti kóterilip turý kerek. Jol salǵan merdiger kóterip, asfaltpen birdei jasap ketý kerek bolatyn. Turǵyndar qudyqtyń betin ashyp qoiǵan. Sońǵy bir jarym aida Kegen aýylynda drenajdy kanal dúrgizildi. Sol kezde qudyqtyń betin ózderiniń topyraǵymen bekitip ketken", -dedi marqumnyń týysy Maqpal Shadan.
Týystarynyń aitýynsha, úsheýiniń ólimine qatysty ekinshi boljam qudyqtyń ishinde toq urýy múmkin. Al sheneýnikter "eskertse, ózimiz-aq tekseretin edik" dep jaýap berdi. Qazir qudyqty retke keltirýge adam óliminen keiin ǵana kirisken.
"2020-2021 jyldary joldy qabyldap alǵan kisi qazir Aqtóbe oblysynda káriz beketinde eki jumysshy tunshyǵyp óldiqyzmette joq. Ne sebepti dál sýdyń ústine jol salyp ótkenin aita almaimyn. Mynanyń betin kóteredi. Ýdi jumystaryn jasaidy. Kólikter óte alatyndai etip jasaimyz", – dedi Kegen aýdany jolaýshylar kóligi jáne avtomobil joldary bóliminiń basshysy Jasulan Kádil.
Eske salsaq, Almaty oblysynda káriz qudyǵynan úsh adamnyń máiiti tabylǵanyn habarlaǵan edik.
