Búgin Nur-Sultan qalasyndaǵy Nur Otan partiiasynyń «Esil» aýdandyq filialy «Kedergisiz keleshek» partiialyq baǵdarlamasy sheńberinde rýhy myqty jandar úshin nysandardyń qoljetimdiligin tekserý maqsatynda reid júrgizdi, dep habarlaidy "Ult aqparat" partiianyń qalalyq filialynyń baspasóz qyzmetine silteme jasap.
«Nursultan Nazarbaev halyqaralyq áýejaiynda erekshe jandar úshin barlyq jaǵdai halyqaralyq talaptarǵa sai jasalǵan. Áýejaiǵa kirgennen bastap arnaiy tetik arqyly kómek shaqyra alady. Kómek shaqyrylǵannan keiin bort qyzmetkerlerine arnaiy habarlandyrý beriledi. Demalý oryndary da qarastyrylǵan», - dedi komissiia múshesi Iýsýp Keligov.
Sonymen qatar áýejaida mentaldy aýytqýshylyǵy bar adamdarǵa jáne aýtizmmen aýyratyn balalarǵa arnaiy beidjikter beriledi. Bortqa ótý barysynda beidjiktiń kómegimen eshqandai kedergige tap bolmaidy. Osy syndy tekserister Qazaqstannyń barlyq aýmaǵyn qamtityn bolady.
