بٷگٸن نۇر-سۇلتان قالاسىنداعى Nur Otan پارتيياسىنىڭ «ەسٸل» اۋداندىق فيليالى «كەدەرگٸسٸز كەلەشەك» پارتييالىق باعدارلاماسى شەڭبەرٸندە رۋحى مىقتى جاندار ٷشٸن نىسانداردىڭ قولجەتٸمدٸلٸگٸن تەكسەرۋ ماقساتىندا رەيد جٷرگٸزدٸ, دەپ حابارلايدى "ۇلت اقپارات" پارتييانىڭ قالالىق فيليالىنىڭ باسپاسٶز قىزمەتٸنە سٸلتەمە جاساپ.
«نۇرسۇلتان نازارباەۆ حالىقارالىق ەۋەجايىندا ەرەكشە جاندار ٷشٸن بارلىق جاعداي حالىقارالىق تالاپتارعا ساي جاسالعان. ەۋەجايعا كٸرگەننەن باستاپ ارنايى تەتٸك ارقىلى كٶمەك شاقىرا الادى. كٶمەك شاقىرىلعاننان كەيٸن بورت قىزمەتكەرلەرٸنە ارنايى حابارلاندىرۋ بەرٸلەدٸ. دەمالۋ ورىندارى دا قاراستىرىلعان», - دەدٸ كوميسسييا مٷشەسٸ يۋسۋپ كەليگوۆ.
سونىمەن قاتار ەۋەجايدا مەنتالدى اۋىتقۋشىلىعى بار ادامدارعا جەنە اۋتيزممەن اۋىراتىن بالالارعا ارنايى بەيدجيكتەر بەرٸلەدٸ. بورتقا ٶتۋ بارىسىندا بەيدجيكتٸڭ كٶمەگٸمەن ەشقانداي كەدەرگٸگە تاپ بولمايدى. وسى سىندى تەكسەرٸستەر قازاقستاننىڭ بارلىق اۋماعىن قامتيتىن بولادى.
