Memlekettik kirister komiteti Bas prokýratýra janyndaǵy vedomstvoaralyq toptyń quramymen syrtqy ekonomikalyq qyzmetke qatysýshylardyń, sondai-aq Qytai Halyq Respýblikasymen shekaralas ótkizý pýnktteriniń qyzmetine birlesken tekserý júrgizdi, dep habarlaidy QazAqparat.
Vedomstvonyń málimetinshe, shara barysynda 9 ýákiletti ekonomikalyq operator men 1 filialy kóshpeli kedendik tekserýlerdi aiaqtady, qosymsha esepteý somasy 107 mlrd teńgeni qurady. Sondai-aq, 58 mlrd.teńgege salyq tóleýden jaltarý derekteri anyqtaldy.
«Úsh jyl ishindegi buzýshylyqtardyń jalpy somasy - 165 mlrd teńge. Budan basqa, 398 mlrd teńgege jalǵan elektrondyq shot-faktýralardy jazyp berý belgileri bar. Aldyn ala shyǵyn somasy – 128 mlrd.teńge. Materialdar qylmystyq is qozǵaý máselesin qaraý úshin quqyq qorǵaý organdaryna berildi. Sonymen qatar 151 importtaýshynyń jalǵan elektrondyq shot-faktýralar jazyp berý belgileri boiynsha materialdary qarjy monitoringi agenttigine jiberildi», - delingen komitet habarlamasynda.
Bul buzýshylyqtar Memlekettik kirister komitetiniń aqparattyq júieleriniń arqasynda anyqtalǵan, olardyń bazasynda taýarlardy importtan bólshek saýdadaǵy eksportqa deiin qadaǵalaý júiesi jumys isteidi. Búginde kedendik deklaratsiialardyń 100%-y elektrondy túrde beriledi, syrtqy ekonomikalyq qyzmetke qatysýshylar keiinnen ákimshilendirý kezinde paidalanylatyn málimetterdi derbes málimdeidi.
