مەملەكەتتٸك كٸرٸستەر كوميتەتٸ باس پروكۋراتۋرا جانىنداعى ۆەدومستۆوارالىق توپتىڭ قۇرامىمەن سىرتقى ەكونوميكالىق قىزمەتكە قاتىسۋشىلاردىڭ, سونداي-اق قىتاي حالىق رەسپۋبليكاسىمەن شەكارالاس ٶتكٸزۋ پۋنكتتەرٸنٸڭ قىزمەتٸنە بٸرلەسكەن تەكسەرۋ جٷرگٸزدٸ, دەپ حابارلايدى قازاقپارات.
ۆەدومستۆونىڭ مەلٸمەتٸنشە, شارا بارىسىندا 9 ۋەكٸلەتتٸ ەكونوميكالىق وپەراتور مەن 1 فيليالى كٶشپەلٸ كەدەندٸك تەكسەرۋلەردٸ اياقتادى, قوسىمشا ەسەپتەۋ سوماسى 107 ملرد تەڭگەنٸ قۇرادى. سونداي-اق, 58 ملرد.تەڭگەگە سالىق تٶلەۋدەن جالتارۋ دەرەكتەرٸ انىقتالدى.
«ٷش جىل ٸشٸندەگٸ بۇزۋشىلىقتاردىڭ جالپى سوماسى - 165 ملرد تەڭگە. بۇدان باسقا, 398 ملرد تەڭگەگە جالعان ەلەكتروندىق شوت-فاكتۋرالاردى جازىپ بەرۋ بەلگٸلەرٸ بار. الدىن الا شىعىن سوماسى – 128 ملرد.تەڭگە. ماتەريالدار قىلمىستىق ٸس قوزعاۋ مەسەلەسٸن قاراۋ ٷشٸن قۇقىق قورعاۋ ورگاندارىنا بەرٸلدٸ. سونىمەن قاتار 151 يمپورتتاۋشىنىڭ جالعان ەلەكتروندىق شوت-فاكتۋرالار جازىپ بەرۋ بەلگٸلەرٸ بويىنشا ماتەريالدارى قارجى مونيتورينگٸ اگەنتتٸگٸنە جٸبەرٸلدٸ», - دەلٸنگەن كوميتەت حابارلاماسىندا.
بۇل بۇزۋشىلىقتار مەملەكەتتٸك كٸرٸستەر كوميتەتٸنٸڭ اقپاراتتىق جٷيەلەرٸنٸڭ ارقاسىندا انىقتالعان, ولاردىڭ بازاسىندا تاۋارلاردى يمپورتتان بٶلشەك ساۋداداعى ەكسپورتقا دەيٸن قاداعالاۋ جٷيەسٸ جۇمىس ٸستەيدٸ. بٷگٸندە كەدەندٸك دەكلاراتسييالاردىڭ 100%-ى ەلەكتروندى تٷردە بەرٸلەدٸ, سىرتقى ەكونوميكالىق قىزمەتكە قاتىسۋشىلار كەيٸننەن ەكٸمشٸلەندٸرۋ كەزٸندە پايدالانىلاتىن مەلٸمەتتەردٸ دەربەس مەلٸمدەيدٸ.
