Bas prokýratýra organdary keden salasynda tekseris júrgizip, biýdjetke 21 milliard teńge qaitaryldy, - dep habarlaidy "Ult aqparat" vedomstvonyń baspasóz qyzmetine silteme jasap.
"Memleket basshysynyń tapsyrmasy boiynsha aǵymdaǵy jyldyń basynda prokýratýra organdary kedendik salasynda tekserý júrgizdi.
Tekserý syrtqy ekonomikalyq qyzmettiń (SEQ) jekelegen qatysýshylary Qytai Halyq Respýblikasynan taýarlardy ákelý naryǵyn monopoliialandyryp alǵanyn kórsetti. Olardyń árqaisy belgili bir taýarlarǵa (aiaqkiim, kiim, qosalqy bólshekter, tehnika, jemister, kókónister jáne t.b.) mamandanyp, eldiń naqty aimaqtaryn óz arasynda bólgen.
Kedendik tólemderdi tóleýden jaltarý úshin importtaýshylar toby 2019-2021 jyldary Qazaqstan Respýblikasyndaǵy Kedendik retteý týraly kodekstiń talaptaryn buza otyryp, ákelinetin taýarlardyń qunyn júieli túrde tómendetip otyrǵan", - delingen habarlamada.
Bas prokýratýranyń usynýy boiynsha Memlekettik kirister komiteti 10 kompaniiaǵa 107 milliard teńge somaǵa kedendik tólemder men salyqtardy qosymsha esepteý týraly habarlama bergen.
"Anyqtalǵan zańbuzýshylyqtar boiynsha Qylmystyq kodekstiń 236-baby – "Kedendik tólemder men salyqtardy tóleýden jaltarý" boiynsha sotaldy tergep-tekserý bastaldy.
Búginde SEQ-tyń 7 qatysýshysy ("Tex Alliance", "Almobi Group", "Ehrgeѕѕ Keden Servis", "Group of the companies TDA", "Ai-To Progress", "Global Logistics Ved" jáne "TL NIKA keden" JShS) qabyldanǵan sharalar nátijesinde biýdjetke 21 milliard teńge qaitardy", - delingen habarlamada.
Vedomstvo málimetinshe, qalǵan qosa eseptelgen somalardy óndirip alý, onyń ishinde osy kompaniialardyń kepildik múlki esebi arqyly jalǵasyp jatyr.
