Sýret: El.kz
Qazaqstannyń energetikalyq nysandarynda aýqymdy jóndeý jumystary júrgizilip jatyr. Negizgi jabdyqtardy jańartý, birneshe JEO kúrdeli jóndeýden ótkizý jáne tozyǵy jetken injenerlik jeliler jańǵyrtylýda. Qazaqstandyq elektr energetikalyq Qaýymdastyq aitýynsha jylý elektr stansalaryndaǵy qurylys-montajdaý jumystarynyń kestege sai kele jatpaǵany aitarlyqtai mańyzdy emes. Eń bastysy JEO ielerine jylytý maýsymy bastalǵanǵa deiin infraqurylymdy retke keltirý mindeti qoiylyp otyr.
Qazaqstandyq elektr energetikasy Qaýymdastyǵynyń málimetinshe 2023-2024 jyldardaǵy maýsymdyq jóndeý jumystarynyń kólemi ótken jyldarmen salystyrǵanda rekordtyq nátijeni kórsetip otyr. Jumys istep turǵan 55 jylý kózin tolyǵymen jóndep, 6,5 myń shaqyrymǵa jýyq kommýnaldyq jelilerdi jańǵyrtý qajet. Birqatar aimaqtarda jóndeý jumystary 1 naýryzda bastalǵan. Qazaqstandyq energiia nysandary úshin mindetter tiziminde: segiz kúrdeli jóndeý, 4 keńeitilgen jáne JEO-da 30 aǵymdaǵy jóndeý jumystary tur.
"Jóndeý jumystarynyń kóp bolýy jabdyqtardyń jumysyna oń áser etedi. Jelilerde, stansalarda apattar az bolady. Qazir energetikanyń oń úrdisi osy mindettemelerdiń barlyǵyn iske asyryp otyr. Jóndeý jumystarynyń kólemi de jyldan jylǵa artyp keledi. Memleket tarapynan qarjylandyrý men qoldaýdyń tásilderi de ózgerdi. Úkimet osy saladaǵy jaǵdaidy jóndeýge qatysty naqty sharalar qabyldap jatqany qýantady. Qazir jóndeý jumystary aýqymdy kólemde atqarylýda", - dep atap ótti QEA Tóraǵasy Talǵat Temirhanov.
Salalyq Qaýymdastyq sonymen qatar birneshe JEO-da jóndeý jumystary kesteden qalyp jatqanyna qatysty túsinikteme berdi. Olardyń aqparaty boiynsha, merzimder birqatar obektivti sebepterge bailanysty ózgerip otyr.
"Belgili bir jabdyqty, týrbogeneratordy ashqan kezde, mysaly, keibir qondyrǵylar shekten tys tozǵan bolyp shyǵady. Soǵan bailanysty jóndeý jumystary kóbeiip ketedi. Jabdyqty ashqan kezinde jóndeý jumysynyń kólemi anyqtalady. Bul árine jóndeý jumystarynyń jobasyn, ony qarjylandyrýyn, merzimin jáne t.b. jaǵdailardy qaita qaraýdy talap etedi", - dep túsindirdi salalyq Qaýymdastyqtyń basshysy.
Sondai-aq, jylý berý maýsymyna daiyndyq kezinde JEO jóndeý brigadalarynyń jetispeýshiligi máselesine tap bolady. Salada bilikti mamandar tapshy. Sondyqtan kadrlardy kútip otyrý nemese olardyń quramyn jedel kúsheitý degen jaǵy bar. JEO-daǵy jóndeý naýqanynyń keshigýdegi úshinshi faktory - qajetti jabdyqtar men qosalqy bólshekterdiń ýaqytyly jetkizilmeýi.
"Biz jabdyqtarǵa tapsyrys beremiz. Bir ǵana emes birneshe túrli jabdyqty importtaimyz. Energetikada bul qiyn ekeni anyq. Tehnologiialyq jabdyqtyń daiyndalýy belgili bir kezeńdi qajet etedi. Keibir jaǵdailarda bul jabdyqtyń óndiris ýaqyty ózgerýi de múmkin. Bul stansalardyń jaýapkershiligin tómendetpeitini anyq. Memleket, úkimet baqylaýdy kúsheitip jatqanyn kórip otyrmyz, bul qalypty tájiribe", - dep túiindedi Talǵat Temirhanov.
Qaýymdastyqtyń aitýynsha, energetika sektorynyń qatysýshylary energiia stansalarynyń jaýapkershiligi men mindettemelerin jaqsy túsinedi. Sondyqtan jóndeý jumystaryn merziminde oryndaýǵa daiyn dep otyr.
Esterińizge sala keteiik, "Tarifti investitsiiaǵa aiyrbastaý" baǵdarlamasy boiynsha 2035 jylǵa qarai Qazaqstanda tozyǵy jetken qýat óndirýshi kásiporyndardy kezeń-kezeńimen 15%-ǵa deiin tómendetý mejesi belgilengen.
