سۋرەت: El.kz
قازاقستاننىڭ ەنەرگەتيكالىق نىساندارىندا اۋقىمدى جٶندەۋ جۇمىستارى جٷرگٸزٸلٸپ جاتىر. نەگٸزگٸ جابدىقتاردى جاڭارتۋ, بٸرنەشە جەو كٷردەلٸ جٶندەۋدەن ٶتكٸزۋ جەنە توزىعى جەتكەن ينجەنەرلٸك جەلٸلەر جاڭعىرتىلۋدا. قازاقستاندىق ەلەكتر ەنەرگەتيكالىق قاۋىمداستىق ايتۋىنشا جىلۋ ەلەكتر ستانسالارىنداعى قۇرىلىس-مونتاجداۋ جۇمىستارىنىڭ كەستەگە ساي كەلە جاتپاعانى ايتارلىقتاي ماڭىزدى ەمەس. ەڭ باستىسى جەو يەلەرٸنە جىلىتۋ ماۋسىمى باستالعانعا دەيٸن ينفراقۇرىلىمدى رەتكە كەلتٸرۋ مٸندەتٸ قويىلىپ وتىر.
قازاقستاندىق ەلەكتر ەنەرگەتيكاسى قاۋىمداستىعىنىڭ مەلٸمەتٸنشە 2023-2024 جىلدارداعى ماۋسىمدىق جٶندەۋ جۇمىستارىنىڭ كٶلەمٸ ٶتكەن جىلدارمەن سالىستىرعاندا رەكوردتىق نەتيجەنٸ كٶرسەتٸپ وتىر. جۇمىس ٸستەپ تۇرعان 55 جىلۋ كٶزٸن تولىعىمەن جٶندەپ, 6,5 مىڭ شاقىرىمعا جۋىق كوممۋنالدىق جەلٸلەردٸ جاڭعىرتۋ قاجەت. بٸرقاتار ايماقتاردا جٶندەۋ جۇمىستارى 1 ناۋرىزدا باستالعان. قازاقستاندىق ەنەرگييا نىساندارى ٷشٸن مٸندەتتەر تٸزٸمٸندە: سەگٸز كٷردەلٸ جٶندەۋ, 4 كەڭەيتٸلگەن جەنە جەو-دا 30 اعىمداعى جٶندەۋ جۇمىستارى تۇر.
"جٶندەۋ جۇمىستارىنىڭ كٶپ بولۋى جابدىقتاردىڭ جۇمىسىنا وڭ ەسەر ەتەدٸ. جەلٸلەردە, ستانسالاردا اپاتتار از بولادى. قازٸر ەنەرگەتيكانىڭ وڭ ٷردٸسٸ وسى مٸندەتتەمەلەردٸڭ بارلىعىن ٸسكە اسىرىپ وتىر. جٶندەۋ جۇمىستارىنىڭ كٶلەمٸ دە جىلدان جىلعا ارتىپ كەلەدٸ. مەملەكەت تاراپىنان قارجىلاندىرۋ مەن قولداۋدىڭ تەسٸلدەرٸ دە ٶزگەردٸ. ٷكٸمەت وسى سالاداعى جاعدايدى جٶندەۋگە قاتىستى ناقتى شارالار قابىلداپ جاتقانى قۋانتادى. قازٸر جٶندەۋ جۇمىستارى اۋقىمدى كٶلەمدە اتقارىلۋدا", - دەپ اتاپ ٶتتٸ قەا تٶراعاسى تالعات تەمٸرحانوۆ.
سالالىق قاۋىمداستىق سونىمەن قاتار بٸرنەشە جەو-دا جٶندەۋ جۇمىستارى كەستەدەن قالىپ جاتقانىنا قاتىستى تٷسٸنٸكتەمە بەردٸ. ولاردىڭ اقپاراتى بويىنشا, مەرزٸمدەر بٸرقاتار وبەكتيۆتٸ سەبەپتەرگە بايلانىستى ٶزگەرٸپ وتىر.
"بەلگٸلٸ بٸر جابدىقتى, تۋربوگەنەراتوردى اشقان كەزدە, مىسالى, كەيبٸر قوندىرعىلار شەكتەن تىس توزعان بولىپ شىعادى. سوعان بايلانىستى جٶندەۋ جۇمىستارى كٶبەيٸپ كەتەدٸ. جابدىقتى اشقان كەزٸندە جٶندەۋ جۇمىسىنىڭ كٶلەمٸ انىقتالادى. بۇل ەرينە جٶندەۋ جۇمىستارىنىڭ جوباسىن, ونى قارجىلاندىرۋىن, مەرزٸمٸن جەنە ت.ب. جاعدايلاردى قايتا قاراۋدى تالاپ ەتەدٸ", - دەپ تٷسٸندٸردٸ سالالىق قاۋىمداستىقتىڭ باسشىسى.
سونداي-اق, جىلۋ بەرۋ ماۋسىمىنا دايىندىق كەزٸندە جەو جٶندەۋ بريگادالارىنىڭ جەتٸسپەۋشٸلٸگٸ مەسەلەسٸنە تاپ بولادى. سالادا بٸلٸكتٸ ماماندار تاپشى. سوندىقتان كادرلاردى كٷتٸپ وتىرۋ نەمەسە ولاردىڭ قۇرامىن جەدەل كٷشەيتۋ دەگەن جاعى بار. جەو-داعى جٶندەۋ ناۋقانىنىڭ كەشٸگۋدەگٸ ٷشٸنشٸ فاكتورى - قاجەتتٸ جابدىقتار مەن قوسالقى بٶلشەكتەردٸڭ ۋاقىتىلى جەتكٸزٸلمەۋٸ.
"بٸز جابدىقتارعا تاپسىرىس بەرەمٸز. بٸر عانا ەمەس بٸرنەشە تٷرلٸ جابدىقتى يمپورتتايمىز. ەنەرگەتيكادا بۇل قيىن ەكەنٸ انىق. تەحنولوگييالىق جابدىقتىڭ دايىندالۋى بەلگٸلٸ بٸر كەزەڭدٸ قاجەت ەتەدٸ. كەيبٸر جاعدايلاردا بۇل جابدىقتىڭ ٶندٸرٸس ۋاقىتى ٶزگەرۋٸ دە مٷمكٸن. بۇل ستانسالاردىڭ جاۋاپكەرشٸلٸگٸن تٶمەندەتپەيتٸنٸ انىق. مەملەكەت, ٷكٸمەت باقىلاۋدى كٷشەيتٸپ جاتقانىن كٶرٸپ وتىرمىز, بۇل قالىپتى تەجٸريبە", - دەپ تٷيٸندەدٸ تالعات تەمٸرحانوۆ.
قاۋىمداستىقتىڭ ايتۋىنشا, ەنەرگەتيكا سەكتورىنىڭ قاتىسۋشىلارى ەنەرگييا ستانسالارىنىڭ جاۋاپكەرشٸلٸگٸ مەن مٸندەتتەمەلەرٸن جاقسى تٷسٸنەدٸ. سوندىقتان جٶندەۋ جۇمىستارىن مەرزٸمٸندە ورىنداۋعا دايىن دەپ وتىر.
ەستەرٸڭٸزگە سالا كەتەيٸك, "تاريفتٸ ينۆەستيتسيياعا ايىرباستاۋ" باعدارلاماسى بويىنشا 2035 جىلعا قاراي قازاقستاندا توزىعى جەتكەن قۋات ٶندٸرۋشٸ كەسٸپورىنداردى كەزەڭ-كەزەڭٸمەن 15%-عا دەيٸن تٶمەندەتۋ مەجەسٸ بەلگٸلەنگەن.
