Qazaqstannyń Damý banki 2021 jyly jańartylatyn energiia kózderi (JEK) salasyndaǵy jańa jobalardy qarjylandyrýdy josparlap otyr. Bul týraly bank tóraǵasynyń orynbasary Dýman Áýbákirov málim etti, dep habarlaidy QazAqparat.
«Bank qazirdiń ózinde balamaly energiia kózderi boiynsha birneshe kezeńdegi jobalardy júzege asyrýda. Biyl Almaty oblysynda Kaskad sý elektr stansasynyń, Qaraǵandy oblysynda, Shyǵys Qazaqstan jáne Almaty oblystarynyń shekarasynda ornalasqan kún elektr stansasynyń jobalaryn iske asyrý josparlanyp otyr. Sonymen qatar jel elektr stantsiiasyn salynady», - dedi Dýman Áýbákirov OKQ-daǵy onlain brifing barysynda.
Onyń aitýynsha, jobalardyń óndiristik qýaty 200 MVt-qa josparlanǵan. Sonymen birge jobalardyń jalpy somasy shamamen 80 mlrd teńgege jetedi.
«Bul - biz maquldaýdy jáne qarjylandyrýdy josparlap otyrǵan jobalar. Eger valiýta týraly aitar bolsaq, onda Qazaqstannyń Damý banki infraqurylymdyq jobalardy tek teńgemen qarastyrady», - dep atap ótti Dýman Áýbákirov.
