Qarjylyq monitoring agenttiginiń Almaty qalasy boiynsha aýmaqtyq departamenti jalǵan qarjylyq qujattardy jasap, óz atyna zańsyz avans berý arqyly «Ksell» AQ qarajatyn asa iri kólemde jymqyrǵan «Kcell Solutions» JShS-niń burynǵy qarjy direktoryna qatysty sotqa deiingi tergeýdi aiaqtady, dep habarlaidy "Ult aqparat" QMA baspasóz qyzmetine silteme jasap.
Tergeý barysynda kompaniianyń burynǵy qarjy direktory 2018 jyldyń aqpanynan 2021 jyldyń sáýirine deiingi aralyqta 5 kompaniianyń esep shotyna aqsha aýdarý arqyly qarajat urlaǵany, sondai-aq ózine jalpy somasy 467 millionnan astam teńgeni quraityn avans bergeni anyqtaldy.
"Osylaisha, ol «Ksell» AQ-na asa iri kólemde ziian keltirip, qylmystyq quqyq buzýshylyq jasaǵan. Jedel-izdestirý sharalary barysynda kompaniianyń burynǵy qarjy direktory urlanǵan aqshany Almatydaǵy býkmekerlik keńselerde bás tigip, jumsaǵany belgili boldy.
Sot úkimimen azamat M.Shókei Qazaqstan Respýblikasy Qylmystyq kodeksiniń 189 baby 4-bóligi 2-tarmaǵy boiynsha kináli dep tanylyp, 7 jyl merzimge bas bostandyǵynan aiyrý jazasyna kesildi. Sondai-aq, ol 10 jyl merzimge qarjylyq jaýapkershilikpen bailanysty qyzmetterdi atqarý quqyǵynan aiyryldy", - delingen habarlamada.
