قارجىلىق مونيتورينگ اگەنتتٸگٸنٸڭ الماتى قالاسى بويىنشا اۋماقتىق دەپارتامەنتٸ جالعان قارجىلىق قۇجاتتاردى جاساپ, ٶز اتىنا زاڭسىز اۆانس بەرۋ ارقىلى «كسەلل» اق قاراجاتىن اسا ٸرٸ كٶلەمدە جىمقىرعان «Kcell Solutions» جشس-نٸڭ بۇرىنعى قارجى ديرەكتورىنا قاتىستى سوتقا دەيٸنگٸ تەرگەۋدٸ اياقتادى, دەپ حابارلايدى "ۇلت اقپارات" قما باسپاسٶز قىزمەتٸنە سٸلتەمە جاساپ.
تەرگەۋ بارىسىندا كومپانييانىڭ بۇرىنعى قارجى ديرەكتورى 2018 جىلدىڭ اقپانىنان 2021 جىلدىڭ سەۋٸرٸنە دەيٸنگٸ ارالىقتا 5 كومپانييانىڭ ەسەپ شوتىنا اقشا اۋدارۋ ارقىلى قاراجات ۇرلاعانى, سونداي-اق ٶزٸنە جالپى سوماسى 467 ميلليوننان استام تەڭگەنٸ قۇرايتىن اۆانس بەرگەنٸ انىقتالدى.
"وسىلايشا, ول «كسەلل» اق-نا اسا ٸرٸ كٶلەمدە زييان كەلتٸرٸپ, قىلمىستىق قۇقىق بۇزۋشىلىق جاساعان. جەدەل-ٸزدەستٸرۋ شارالارى بارىسىندا كومپانييانىڭ بۇرىنعى قارجى ديرەكتورى ۇرلانعان اقشانى الماتىداعى بۋكمەكەرلٸك كەڭسەلەردە بەس تٸگٸپ, جۇمساعانى بەلگٸلٸ بولدى.
سوت ٷكٸمٸمەن ازامات م.شٶكەي قازاقستان رەسپۋبليكاسى قىلمىستىق كودەكسٸنٸڭ 189 بابى 4-بٶلٸگٸ 2-تارماعى بويىنشا كٸنەلٸ دەپ تانىلىپ, 7 جىل مەرزٸمگە باس بوستاندىعىنان ايىرۋ جازاسىنا كەسٸلدٸ. سونداي-اق, ول 10 جىل مەرزٸمگە قارجىلىق جاۋاپكەرشٸلٸكپەن بايلانىستى قىزمەتتەردٸ اتقارۋ قۇقىعىنان ايىرىلدى", - دەلٸنگەن حابارلامادا.
