Úkimettiń búgingi otyrysynda QR Ulttyq ekonomika ministri Qýandyq Bishimbaev turǵyn úi qurylysy salasyna qosymsha qarjynyń bólingenin jetkizip, sonyń arqasynda paidalanýǵa beriletin páterlerdiń artatynyn málimdedi. Sondai-aq ol osy saladaǵy belsendi aimaqtardy atady, dep habarlaidy Baq.kz tilshisi.
Ministrliktiń málimetine sáikes, sońǵy 25 jyldyń ishinde 113,2 mln. sharshy metr turǵyn úi paidalanýǵa berildi. Osynyń arqasynda 1 mln.-nan astam otbasy jańa páterge qol jetkizdi.
«Biyl qarjylandyrýdyń barlyq baǵyttary boiynsha jalpy sommasy 750 mlrd. teńgeni quraityn 9 mln. sharshy metr turǵyn-úidi paidalanýǵa berý kózdelip otyr. Budan bólek, Memleket basshysynyń tapsyrmasyna sáikes, turǵyn úi qurylysyna qosymsha 360 mlrd. teńge bólindi. Atalǵan qarjy arendalyq turǵyn-úige (53 mlrd.), kredittik baspanaǵa (127 mlrd.), kommertsiialyq turǵyn úige (97 mlrd.), injenerlik kommýnikatsiialyq infraqurylymǵa (61 mlrd.) jáne Turǵyn úi qurylys jinaq banki salymshylaryna nesie berýge (22 mlrd.) jumsalady. Osynyń arqasynda ótken jyly jáne aǵymdaǵy jyldyń basynan beri 22,6 myń otbasy baspanaly boldy. Jyldyń sońyna deiin taǵy 6,8 myń otbasy jańa úige kire alady. Al 2017 jyly 33 myńnan astam páter salynady», - deidi Q.Bishimbaev.
Ministrdiń sózine qaraǵanda, ótken jyly turǵyn úidi paidalanýǵa berý boiynsha Almaty, Astana, Mańǵystaý men Qyzylorda oblystary kósh bastap tursa, biyl Almaty, Pavlodar men Shyǵys Qazaqstan oblystary oq boiy ozyq keledi. Al Mańystaý men Almaty oblystary osy saladaǵy jumysty baiaý júrgizip otyr.
.jpeg)