ق.بيشٸمباەۆ جىلدىڭ سوڭىنا دەيٸن پايدالانۋعا بەرٸلەتٸن پەتەرلەردٸڭ سانىن جارييالادى

مينيسترلٸكتٸڭ مەلٸمەتٸنە سەيكەس, سوڭعى 25 جىلدىڭ ٸشٸندە 113,2 ملن. شارشى مەتر تۇرعىن ٷي پايدالانۋعا بەرٸلدٸ. وسىنىڭ ارقاسىندا 1 ملن.-نان استام وتباسى جاڭا پەتەرگە قول جەتكٸزدٸ.

«بيىل قارجىلاندىرۋدىڭ بارلىق باعىتتارى بويىنشا جالپى سومماسى 750 ملرد. تەڭگەنٸ قۇرايتىن 9 ملن. شارشى مەتر تۇرعىن-ٷيدٸ پايدالانۋعا بەرۋ كٶزدەلٸپ وتىر. بۇدان بٶلەك, مەملەكەت باسشىسىنىڭ تاپسىرماسىنا سەيكەس, تۇرعىن ٷي قۇرىلىسىنا قوسىمشا 360 ملرد. تەڭگە بٶلٸندٸ. اتالعان قارجى ارەندالىق تۇرعىن-ٷيگە (53 ملرد.), كرەديتتٸك باسپاناعا (127 ملرد.), كوممەرتسييالىق تۇرعىن ٷيگە (97 ملرد.), ينجەنەرلٸك كوممۋنيكاتسييالىق ينفراقۇرىلىمعا (61 ملرد.) جەنە تۇرعىن ٷي قۇرىلىس جيناق بانكٸ سالىمشىلارىنا نەسيە بەرۋگە (22 ملرد.) جۇمسالادى. وسىنىڭ ارقاسىندا ٶتكەن جىلى جەنە اعىمداعى جىلدىڭ باسىنان بەرٸ 22,6 مىڭ وتباسى باسپانالى بولدى. جىلدىڭ سوڭىنا دەيٸن تاعى 6,8 مىڭ وتباسى جاڭا ٷيگە كٸرە الادى. ال 2017 جىلى 33 مىڭنان استام پەتەر سالىنادى», - دەيدٸ ق.بيشٸمباەۆ.

مينيستردٸڭ سٶزٸنە قاراعاندا, ٶتكەن جىلى تۇرعىن ٷيدٸ پايدالانۋعا بەرۋ بويىنشا الماتى, استانا, ماڭعىستاۋ مەن قىزىلوردا وبلىستارى كٶش باستاپ تۇرسا, بيىل الماتى, پاۆلودار مەن شىعىس قازاقستان وبلىستارى وق بويى وزىق كەلەدٸ. ال ماڭىستاۋ مەن الماتى وبلىستارى وسى سالاداعى جۇمىستى باياۋ جٷرگٸزٸپ وتىر.