Ońtústik Qazaqstan oblysyndaǵy qazyǵurttyq sharýalar jemistiń ár gektarynan 20 tonna ónim aldy. Bul týraly aýdan ákimdiginiń aýyl sharýashylyq bóliminiń basshysy BAQ ókilderine arnaiy uiymdastyrylǵan press-týr barysynda aitty, dep habarlaidy "Ult aqparat".
Onyń aitýynsha, aýdanda jalpy kóp jyldyq ekpeler 2300-den astam gektardy quraidy, onyń ishinde 600 gektarǵa jýyǵy júzim bolyp otyr. Al biylǵy jyly ónim bergen 1200 gektar jemis aǵashtarynan ortasha eseppen 24 myń tonna ónim alsa, 413 gektar júzimnen 6400 tonna ónim alǵan.
Osyndai ónim kólemin arttyrýǵa septigin tigizgen kooperativtiń biri Qazyǵurt aýdany Qyzylqiia aýylyndaǵy «Amankeldi» JShS bazasynda shilde aiynda qurylǵan «Aman Agro Servis» jemisterdi saqtaý jáne daiyndaý aýyl sharýashylyǵy óndiristik kooperativi. Aýqymy bes aýdandy quraityn kooperativtiń 38 múshesi bar. Qazyǵurt, Saryaǵash, Sairam aýdandary men Shymkent, Arys qalalarynyń sharýalary birekken óndiristik kooperativtiń 25 myń gektardan astam jeri bar. Onyń 11 myńnan astam jeri iaǵni, 30-40 paiyzy osy «Amankeldi» sharýa qojalyǵyna tiesili. Onyń 500 gektary qarqyndy baq bolsa, olardan biyl 2 myń tonnadan astam jemis jinalǵan. Al olardan alynǵan ónimderdiń jartysy Reseige eksporttaldy.
Búginde kooperativke birikken sharýalar seriktestiktiń 2 myń tonnalyq jemis-jidek tońazytqyshy bar qoimasyn, keńeitip qaita jaraqtandyryp otyr. Munda sonymen qosa, Eýropadan, Italiia, Túrkiia, Gollandiia memleketterinen ákelingen jańǵaq pen 15 túrli alma sorty jáne júzim kóshetteri ósiriledi. Sondai-aq, kooperativ músheleri keleshekte jemisterdi óńdeitin tseh ashýdy da josparlap otyr.
