Foto: adyrna.kz
QR Parlamenti Májilis depýtaty, «Aq jol» fraktsiiasy múshesi Qazybek Isa elimizdi túbegeili jańǵyrtý úshin aýqymdy reforma bastaǵan Prezident Q.Toqaevtyń Joldaýynan beri úsh jyldyń ishinde irgeli ózgerister jasaldy dep esepteidi. Bul týraly Ult.kz habarlaidy.
"Jalpyhalyqtyq referendým arqyly Ata zańǵa túzetýler engizildi. Parlamenttiń yqpaly artyp, esep beretin Úkimetke jaýapkershilik júkteldi. Konstitýtsiialyq sot quryldy. Jańarǵan aýyl ákimderiniń 72 paiyzynyń úshten biri – buryn memlekettik qyzmette bolmaǵan jańa adamdar bolǵandyqtan, jańa lep keldi. Aýdandar men oblystyq mańyzdy qalalardyń 45 ákimi sailandy. Al biyldan bastap barlyq aýdan ákimderin halyq tikelei sailaidy. Halyq sailaǵan ákim halyq aldynda esep beredi, iaǵni qarqyndy qairat kórsetýge umtylady", -deidi depýtat.
Qazybek Isanyń aitýynsha ótken otyz jyldyq biliktiń orasan zor zardaby ótip ketken el túbegeili ózgeristerdiń tez jáne qarqyndy da, aýqymdy júrgenin qalaidy. Biraq ómirdegi ózgeristerdi bir núkteni basyp qalsań, bári birden ózgerip ketetin ertegidegi ǵajaiyppen shatastyrmaý kerek.
"Batpandap kirgen aýrý mysqaldap shyǵady" deidi atam qazaq. Degenmen, otyz jyl siresken seńdi úsh jylda qozǵap jibergen naqty ózgerister kóz aldymyzda ótýde. Memleketke qaitarylǵan zańsyz aktivter quny eki trillion teńgeden asady. "Ádiletti Qazaqstannyń" bárine birdei "Zań men tártip" qaǵidaty bolmasa, bulardyń biri de bolmas edi. Dál osy qaǵidat Prezidenttiń basty jeńisi dep bilemin. Ulttyq qordan balalar bolashaǵy úshin qarjy salýdy aldymen ózderiniń jeke bailyqtaryn kóbeitýdi oilaǵan burynǵy bilik eshqashan bolýy múmkin emestei kórsetetin. Al qazir bári de múmkin bolyp, ár balanyń esepshotyna alǵashqy salymdar túsip jatyr", -deidi depýtat.
Q. Isanyń sózinshe Altyn Orda túgili Alashtyń atyn aitqyzbaǵan keshegi otyz jyl artta qalyp, Joshy hanǵa Ulytaýda, Alash kósemderine astanadan bastap, kóptegen qalalarda asqaqtaǵan eskertkishteri ornaýda. Onyń pikirinshe bul isterdiń barlyǵy tikelei Memleket basshysy – Qasym-Jomart Kemelulynyń tikelei pármenimen iske asyrylyp keledi.
Sonymen qatar májilismen ulttyq ideologiiaǵa da toqtalyp ótti.
"Tarihtan belgili, qandai el bolsa da, Ulttyq ideia bolmasa, damýy qarqyndy bolmaidy! Keshe ótken Ulttyq Quryltaida memleket basshysy tapsyrǵan memlekettiń ishki saiasat tujyrymdasyn jasaýdy tapsyrýy – Ulttyq ideologiianyń bastamasy ekeni anyq. Qazaqstannyń Ulttyq ideologiialyq kontseptsiiasyn jasaǵan partiia retinde «Aq jol» ishki saiasat tujyrymdamasyn jasaýǵa óz úlesin qosa alady. Al Ulttyq biregeilikke bastaityn Ulttyq ideologiianyń negizi - memlekettik til! Álemdik tájiribeden áigili jait - kez kelgen memlekettiń azamattaryn biriktiretin basty qural - memlekettik tili. Ǵylymnyń, jahandy jaýlap kele jatqan jasandy intellektiniń negizi memlekettik til bolýyna basa nazar aýdarǵan memleket basshysy Q.Toqaev: «Qazaq tili – ulttyq biregeiligimizdiń nyshany. El birligin nyǵaita túsetin basty qundylyǵymyz!»-dep, atap kórsetkendei, biregei ultqa ainalýda memlekettik tildiń mereii artýyn iske asyrýǵa bárimiz óz úlesimizdi qosýǵa tiispiz", -deidi ol.
Konstitýtsiianyń jańa redaktsiiasynyń 6-babyna sáikes «Jer men jer qoinaýy halyqqa tiesili».
Qazaqstanda Álemdik Bank zertteýinshe, sirek asyl qazynalar jatqan 5 myń kenishtiń quny 46 trillion dollardan asady.
2022 jyly memleket basshysy burynǵy ónimdi bólý týraly kelisimsharttar 30 jyl buryn basqa jaǵdaida jasalǵanyn, endi olarǵa túzetý engizý kerektigin aitty.
«Aq jol» partiiasy da Ónimdi bólý týraly kelisimsharttardy ashyq jariialap, qaita jasaý týraly birneshe ret depýtattyq saýal jasady dep aitqan Qazybek Isa: "Qudai bergen búkil eldiń bailyǵyn jeke dara ielenetindei ol eshkimniń ata-babasynan qalǵan mura emes!" dedi.
Ulttyq quryltaiǵa da toqtalyp ótken depýtat Memleket basshysynyń bastamasymen qurylǵan, biyl tórtinshi ret ótip, tórt qubylamyzdy túgendep jatqan Ulttyq quryltai jalpyulttyq dialog alańyna ainaldy deidi.
"Ulttyq Quryltai - Qazaq tarihyndaǵy eldiń eń mańyzdy máseleleri sheshiletin uly jiyn - Quryltaidyń búgingi jańa zamanǵa sai jańǵyrǵan úlgisi", -dedi.
2022 jyly jańadan Abai, Ulytaý jáne Jetisý oblystary ashyldy. Bul úsh oblystyń ashylýy osy aimaqtardyń damýyna kúshti serpin berdi dep esepteitin depýtat: "Óńirlerge jandanǵan ómir keldi. Áleýmettik-ekonomikalyq kórsetkishter edáýir artty, investitsiia kele bastady" dep otyr.
"Endi memleket basshysy keshe Quryltaida Alash kósemderi Ahmet Baitursynuly men Mirjaqyp Dýlatulynyń ómirge kelgen tarihi ólkege basa nazar aýdaryp, tutas Torǵai óńiriniń damýyna tyń serpin beretin aýqymdy jobany jariialady. Astanadan Arqalyq, Torǵai jáne Yrǵyz arqyly Transkaspii halyqaralyq kólik dálizine týra shyǵatyn avtokólik jolynyń qurylysy bastalady. «Bir taý bir top kiikti asyraidy» degendei, bul kúshti kúre jol bir qaýym elge jumys taýyp beretin ekonomikalyq serpin bolatyny anyq.
«Túrkistan qalasynyń erekshe mártebesi týraly» zań qabyldandy. Túrkistanǵa erekshe mártebe berý mádeni biregeilikti nyǵaityp, qalany Túrki áleminiń rýhani astanasyna ainaldyrady.
Elimizdi Jańa dáýirge bastaǵan irgeli ózgerister, saliqaly saiasi reforma memlekettiń irgesin bekemdep, qarqyndy damýy úshin eń aldymen biregei ultqa bastaityn birlik, yrysqa jetkizetin yntymaq kerek. Táýelsizdiktiń Kók týy kókte máńgi jelbirei berýi úshin bárimiz de óz úlesimizdi qosýǵa tiispiz.
Ol úshin el Prezidenti Qasym-Jomart Toqaevtyń janyna antyna adal, sertine berik, isine myǵym adal azamattardyń toptasýy kerek!" -dedi ol.
