QR Bas prokýratýrasy Ál-Farabi atyndaǵy Qazaq ulttyq ýniversitetiniń jer ýchaskesin bólý zańdylyǵyna qatysty tyń málimetter usyndy, dep habarlaidy "Ult aqparat".
Májilis depýtattarynyń saýalyna jaýap bergen QR Bas prokýrorynyń mindetin atqarýshy Berik Asylovtyń dereginshe, 2012 jyldyń 30 qańtarynda Almaty qalasy əkimdiginiń qaýlysymen ýniversitetke alańy 73,26 gektar jer ýchaskesine turaqty paidalaný quqyǵy berilgen.
Al 2017 jyldyń 2 qazanynda qala əkimdigi atalǵan ýchaskeniń shekarasyn túzetý týraly qaýly qabyldaǵan jáne jerdiń alańy 1,8 gektarǵa azaitylǵan.
Ýchaskeniń azaitylǵan bóliginiń 0,74 gektary «Omirex» JShS-nyń, 0,56 gektary kommýnaldyq qyzmetterdiń («Almaty Sý» MKK, «Almaty jylý jelileri» JShS, «Qazposhta» AQ, «Qazaqtelekom» AQ») jəne 0,52 gektary Sh.Mustafaevtyń qaramaǵyna ótken.
Bas prokýratýranyń anyqtama retinde usynǵan málimetterine sáikes, Sh.Mustafaevtyń jer úlesi ýniversitettiń óndiristik úi-jailaryn kópshilik saýda-sattyqta satyp alý nətijesinde paida bolǵan.
Sh.Mustafaevqa tiesili osy úi-jaidy ielikten shyǵarýdyń zańdylyǵy Almaty qalasynyń aýmaqtyq memlekettik múlik jəne jekeshelendirý komiteti komissiiasynyń 1999 jylǵy 12 qarashadaǵy qorytyndysymen jəne Almaty qalasy Bostandyq aýdandyq sotynyń 2000 jylǵy 13 jeltoqsandaǵy sheshimimen rastalǵan.
«Alaida Almaty qalasynyń əkimdigi Jer kodeksiniń 48 jəne 82-baptaryn buza otyryp, «Omirex» JShS jerlerin (eki ýchaske, jalpy alańy - 0,74 gektar) saýda-sattyqsyz jəne olarǵa ýniversitettiń jer paidalaný quqyǵy toqtatylǵanǵa deiin bergen. Anyqtalǵan buzýshylyqtardy quqyqtyq baǵalaý boiynsha ókilettik Aýyl sharýashylyǵy ministrliginiń jer resýrstaryn basqarý komitetine jatatynyn eskere otyryp, 2021 jyldyń 19 naýryzynda Almaty qalasynyń prokýratýrasy olardyń mekenjaiyna tiisti tekserýdi uiymdastyrý týraly hat joldady», - dedi Berik Asylov.
Buǵan deiin Bilim jáne ǵylym ministri Ashat Aimaǵambetovte atalǵan ýniversitet jer ýchaskesiniń 0,779 gektarǵa azaiý faktisi rastalǵanyn aitqan bolatyn.
