«QazTransGaz Aimaq» AQ-nyń Atyraý filialyna 4 mln teńgeden astam aiyppul salyndy, dep habarlaidy "Ult aqparat".
QR Ulttyq ekonomika ministrligi Tabiǵi monopoliialardy retteý komitetiniń Atyraý oblysy boiynsha departamenti «QazTransGaz Aimaq» AQ-nyń Atyraýlyq filialyn «Ákimshilik quqyq buzýshylyq týraly» QR Kodeksiniń 164-babynyń 4-bóligine sáikes ákimshilik jaýapkershilikke tartty. Kompaniiaǵa 1600 AEK, nemese 4 040 000 tenge somasyna aiyppul salyndy.
Búginde aiyppul somasy memleket paidasyna óndirilip alyndy.
Tabiǵi monopoliialardy retteý komitetinen málim etkendei, «QazTransGaz Aimaq»-tyń zań buzýshylyǵy tutynýshyǵa zań sheńberinen tys talaptar qoiýǵa qatysty bolǵan.
«Atyraýlyq filial Qazaqstan Respýblikasynyń «Tabiǵi monopoliialar týraly» Zańynyń 24-babynyń 10-tarmaǵynyń 3) tarmaqshasynyń talabyn buzǵan, onda rettelip kórsetiletin qyzmetke qoljetimdilik usynylǵan kezde tabiǵi monopoliia sýbektisine, sonyń ishinde tabiǵi monopoliia sýbektisiniń jelilerine qosýǵa nemese rettelip kórsetiletin qyzmettiń kólemin ulǵaitýǵa arnalǵan tehnikalyq sharttardy saqtaýdan basqa, ózge talaptardy tutynýshyǵa qoiýǵa tyiym salynatyny aitylǵan», - dedi komitetten.
