«قازترانسگاز ايماق» اق-نىڭ اتىراۋ فيليالىنا 4 ملن تەڭگەدەن استام ايىپپۇل سالىندى, دەپ حابارلايدى "ۇلت اقپارات".
قر ۇلتتىق ەكونوميكا مينيسترلٸگٸ تابيعي مونوپولييالاردى رەتتەۋ كوميتەتٸنٸڭ اتىراۋ وبلىسى بويىنشا دەپارتامەنتٸ «قازترانسگاز ايماق» اق-نىڭ اتىراۋلىق فيليالىن «ەكٸمشٸلٸك قۇقىق بۇزۋشىلىق تۋرالى» قر كودەكسٸنٸڭ 164-بابىنىڭ 4-بٶلٸگٸنە سەيكەس ەكٸمشٸلٸك جاۋاپكەرشٸلٸككە تارتتى. كومپانيياعا 1600 اەك, نەمەسە 4 040 000 تەنگە سوماسىنا ايىپپۇل سالىندى.
بٷگٸندە ايىپپۇل سوماسى مەملەكەت پايداسىنا ٶندٸرٸلٸپ الىندى.
تابيعي مونوپولييالاردى رەتتەۋ كوميتەتٸنەن مەلٸم ەتكەندەي, «قازترانسگاز ايماق»-تىڭ زاڭ بۇزۋشىلىعى تۇتىنۋشىعا زاڭ شەڭبەرٸنەن تىس تالاپتار قويۋعا قاتىستى بولعان.
«اتىراۋلىق فيليال قازاقستان رەسپۋبليكاسىنىڭ «تابيعي مونوپولييالار تۋرالى» زاڭىنىڭ 24-بابىنىڭ 10-تارماعىنىڭ 3) تارماقشاسىنىڭ تالابىن بۇزعان, وندا رەتتەلٸپ كٶرسەتٸلەتٸن قىزمەتكە قولجەتٸمدٸلٸك ۇسىنىلعان كەزدە تابيعي مونوپولييا سۋبەكتٸسٸنە, سونىڭ ٸشٸندە تابيعي مونوپولييا سۋبەكتٸسٸنٸڭ جەلٸلەرٸنە قوسۋعا نەمەسە رەتتەلٸپ كٶرسەتٸلەتٸن قىزمەتتٸڭ كٶلەمٸن ۇلعايتۋعا ارنالعان تەحنيكالىق شارتتاردى ساقتاۋدان باسقا, ٶزگە تالاپتاردى تۇتىنۋشىعا قويۋعا تىيىم سالىناتىنى ايتىلعان», - دەدٸ كوميتەتتەن.
