Elimizde elektrondy saýdany damytýdyń negizgi baǵyttaryn «Qazpochta» AQ oryndaidy. Bul jóninde «Qazposhta» AQ elektrondy saýda departamentiniń direktory Mustafin Sultan aityp ótti.
«Qazposhtada» elektrondy kommertsiiaǵa tikelei baǵyttalǵan birqatar jobalar júzege asyrylýda. Solardyń biri, jóneltimderdi jetkizýdiń qoljetimdi bolýy úshin Qazaqstannyń barlyq aimaqtarynda poshtamattar men sýpermarketter iske qosylǵan. El aimaqtarynda barlyǵy 151 poshtamat jáne 178 jóneltimder sýpermarketteri jumys jasaidy.
«Búgingi tańda «Qazpochta» AQ-nyń aýqymy keń jáne biz ózimizdiń keńselerimizdi, jetkizý núktelerimizdi odan ári ulǵaitýdy jalǵastyramyz, bul degenimiz onlain-satyp alýshylarǵa kóp paidasyn tigizbek olar óz taýrlaryn kez kelgen ýaqytta jáne tez arada alýyna múmkindik jasaidy», – dep málimdedi S. Mustafin.
Sonymen qatar, «Qazposhta» AQ elektrondy saýda departamentiniń direktorynyń sózinshe onlain tapsyrys beris, saýda jasaýshylardyń qatary jastardan quralady.
«Qazposhta» AQ ár saǵat saiyn 10 myńnan astam posylka qabyldaidy jáne jiberedi. Onlain-satyp alatyndan jasaityn adamdardyń kópshiligi jastar. Elektrondy saýdany damytýshy, tapsyrys berýshi qalalar esebine Almaty qalasy birinshi oryndy quraidy, bul paiyzdyq kórsetkishpen 70%-dy quraidy», – dedi ol.
2016 jyly Qazaqstanǵa jetkizilgen posylkalardyń sany 15,3 mln birlikti qurasa, onyń ishinde sýpermarketter arqyly – 553 myń, 2017 jyly - 21,9 mln , sýpermarketter arqyly – 1,8 mln, al 2018 jyly bes aida - 11,6 mln, sýpermarketter arqyly - 2 mln-ǵa jetti. Poshtamattar arqyly, 2017 jyly 500 myń posylka jetkizilse, aǵymdaǵy jyldyń basynan bastap bul kórsetkish 306 myńdy qurap otyr.
Sondai-aq, S. Mustafinniń «Qazposhta» AQ-nyń mańyzdy baǵyttarynyń biri kompaniiada iri aimaqtarǵa posylkalar EMS Kazpost jetkizý qyzmeti arqyly táýlik saiyn jetkiziletinin atap ótti.
2018 jyldyń alǵashqy 5 aiynda Qazaqstanda elektrondy kommertsiia naryǵynyń kólemi 101 mlrd teńgeni qurady. «Qazpochta» AQ boljamyna sáikes, jyldyń sońyna deiin bul kórsetkish 302 mlrd. teńgege deiin ósedi jáne bólshek saýdanyń 2,9%-yn quraidy.
Esterińizge sala ketelik, búgingi tańda «Adrome Automation» JShS-men birlesip, merzimdi basylymdardy aýdandyq poshta ortalyqtarynan alys qashyqtyqtaǵy poshta posttaryna jetkizý maqsatynda Qazaqstannyń 4 oblysynyń 9 aýdanynda 30 marshrýttan drondardy ushyryp tájiribeden ótkizgen, nátijesi kóńil toltyrarlyq.
