Foto: sknews.kz
Ótken jyly ulttyq poshta operatory aýyldyq bólimshelerin kútip ustaǵany úshin 15,4 mlrd teńge shyǵynǵa batty. Bul týraly «Samuryq-Qazyna» AQ Qoǵamdyq keńesiniń otyrysynda «Qazposhta» AQ Basqarma tóraǵasy Ásel Janasova aitty, dep habarlaidy QazAqparat agenttigi.
Qazposhta basshysynyń atap ótýinshe, elimizde gazet-jýrnaldar jáne hat-habar jetkizý qyzmeti jyl saiyn ortasha eseppen 17 paiyzǵa qysqaryp keledi. Óitkeni, basylymdardyń kópshiligi onlainǵa aýysyp jatyr.
«Degenmen, eger ne bári bir gazet jetkizý qajet bolsa da kólik jiberemiz», - dedi Ásel Janasova.
Onyń málimetinshe, Qazposhtanyń 4 myń qyzmetkeri 0,2 stavkamen jumys istep, 20 myń teńge ǵana jalaqy alyp júr.
«Eń tómengi jalaqy 96 myń deisizder. Al adam 0,2 stavkaǵa, jumys istep 20 myń teńge alady eken. Bul onyń jalǵyz jumysy, aýylda basqa jumys joq. Menińshe, sizderde 0,2 stavkaǵa óte kóp adam jumys istese, onda basqa qandai da bir tehnologiia engizý qajet. Muny oilastyrǵan jón», - dedi osy oraida «Qazaqstan halqyna» qorynyń tóraǵasy Bolat Jámishev.
Al Ásel Janasova búginde atalǵan qyzmetkerlerge qosymsha qyzmetter júktep, jalaqysyn kóterý máselesi pysyqtalyp jatqanyn aitady.
Aita keteiik, 2024 jylydń 1 qańtarynan elimizdegi eń tómengi jalaqy 85 myńge deiin artady.
