«Qazposhta» kompaniiasy kimge satylady? Bul suraq «Samuryq-Qazyna» UÁQ» AQ aktivterdi basqarý jáne jekeshelendirý jónindegi direktsiia basshysy Almasadam Satqalievqa qoiyldy, dep habarlaidy "Ult aqparat".
«Qazposhta – qordyń portfelindegi óte mańyzdy aktiv. Onyń jekeshelendirilýine de basa mańyz beretinimiz túsinikti. Naqtyraq aitqanda «Qazposhtany» satý kezindegi strategiialyq baǵyt-baǵdardy aiqyndap alý úshin biz keńesshi retinde «KPMJ» halyqaralyq kompaniiasyn tarttyq. Ol «Qazposhtany» jekeshelendirý kezinde mynadai keńesti ustanýdy usynyp otyr», - dedi Almasadam Satqaliev tikelei efirde ótken baspasóz máslihatynda.
Halyqaralyq kompaniia IRO biznesiniń aýqymyn eskere otyryp, strategiialyq investordy tartýǵa keńes bergen. Iaǵni investor biznestiń salalyq profiline, logistikalyq jumysyna investitsiia salýǵa kepildik berýi tiis. Sonymen qatar investor «Qazposhtaǵa» memlekettik baǵdarlamalar aiasynda júkteletin Úkimettiń mindettemelerin tolyq oryndaýy shart.
«Biz naryqtyń áleýetti qatysýshylarynyń «Qazposhtaǵa» qyzyǵýshylyǵy bolýy múmkin ekenin bilip otyrmyz. Keńesshi kompaniia «Qazposhta» jekeshelendiriletin kezde IRO-ǵa qatysýy múmkin kompaniialardyń tizimin bizge usyndy. Bul tizimde Reseiden de, basqa memleketterden de kompaniialar bar. Olardyń bárine «Qazposhtany» jekeshelendiretin áleýetti kompaniia retinde qarap otyrmyz. Qandai da bir memleketke qatysty aiqyn baǵyt-baǵdarymyz joq. Jaqsy jaǵdai jasap, talaptarǵa sai keletin bolsa – komissiia sheshimimen kompaniianyń biri áleýetti benefetsiar retinde qarastyrylady. Demek naqty myna bir investorǵa satylady deitindei áńgime joq», - dedi ol.
Eske sala ketsek, Almasadam Satqaliev buǵan deiin 2021 jyly jekeshelendiriletin iri aktivterdiń ishinde tek «Qazposhta» pen «Samuryq energo» baryn málim etken edi. Al 2022 jyly «Air Astana» men «Qazaq Air», sonymen birge «Samuryq-Qazynanyń» taý-ken kompaniiasy 2023 jyly Qazaqstan temir joly jekeshelendiriletinin málim etken bolatyn.
