«Qazposhta» aktsionerlik qoǵamy Qazaqstan men Qytai arasyndaǵy poshta bailanysyna qatysty túsinik berdi, dep habarlaidy "Ult aqparat".
«Qazaqstan Respýblikasy men Qytai Halyq Respýblikasy arasyndaǵy poshta aiyrbasynyń toqtatylýyna qatysty jańalyq úlken rezonans týǵyzdy. Osy sebepti mán-jaidy túsindirsek deimiz. Atalǵan habarlama bizdiń klientterge Qytaidan keletin poshta tasymalynyń keshigýi yqtimaldyǵyn eskertý maqsatynda taratylǵan», - dep habarlaidy «Qazposhta» kompaniiasynyń baspasóz qyzmetinen.
Qytaidyń poshtalyq ákimshiligi Qazposhta men QHR Shyńjań-Uiǵyr avtonomiialyq ólkesi arasyndaǵy dástúrli avto, avia, temirjol qatynasyn resmi túrde toqtatpaǵan.
«Alaida, QHR Shyńjań-Uiǵyr avtonomiialyq ólkesiniń poshtasy jumys tártibinde óz tarapynan poshtalyq jóneltýler qabyldanbaitynyn jáne jiberilmeitinin jetkizdi. Sol sebepti, aiyrbas júrgizilip jatqan joq. Aiyrbas qalpyna kelgennen keiin barlyq klientke ol týraly habar beremiz», - delingen habarlamada.
Sonymen qatar, Qazposhta poshtany qabyldaý jáne jóneltý isin qalypty rejimde jalǵastyrýda.
«Dúniejúzilik densaýlyq saqtaý uiymy Qytaidan hat nemese zat alý kezinde jańa koronavirýs juqtyrý qaýpi joq ekenin habarlaǵan edi. Bul týraly DDU Twitter arqyly habarlama taratty. Keiingi zertteýlerge qaraǵanda koronavirýs aǵzadan tys tirshilik ete almaidy. Sol sebepti ony juqtyrý qaýpi joq», - dep habarlady Qazposhtadan.
