«QazMunaiGazdyń» basqarma tóraǵasy Maǵzum Myrzaǵaliev kásiporyn aktsiialarynyń qaitalama naryqta satylýyna bastaý bergen saltanatty sharada kompaniianyń syrtqy qaryzdary týraly málimet berdi, dep habarlaidy QazAqparat.
«QazMunaiGazdyń» qaryzy bar degen sóz bizdiń boryshqa batqanymyzdy nemese qarjylyq jaǵdaiymyz turaqsyz ekenin bildirmeidi», - dep túsindirdi kompaniia basshysy.
Onyń aitýynsha, kompaniianyń qundy qaǵazdaryn birjaǵa shyǵarý IRO-ǵa daiyndyqtyń bir baǵyty bolǵan.
«Bizdiń qaryzdarymyzǵa memleket eshqandai kepildik bermeidi. Osy jumystardyń bári birneshe jyl buryn bastalyp ketken. Onyń bári búgingi IRO-ǵa daiyndyq ta bolǵan edi. Qazirgi kezde kompaniianyń qaryzy 9 mlrd dollardan asady. Keiingi birneshe jylda qaryz kólemin azaittyq. Bir kezderi ol 19 mlrd dollar bolǵan. Iaǵni, biz óz qaryzymyzdy basqaryp otyrmyz», - dedi Maǵzum Myrzaǵaliev.
