Foto: kmg.kz
"QazMunaiGaz" ulttyq kompaniiasynda kadrlyq ózgerister boldy. Atap aitqanda, ulttyq kompaniianyń basqarma tóraǵasynyń orynbasary Dáýletjan Hasanov qyzmetinen ketti, - dep habarlaidy kompaniianyń baspasóz qyzmeti.
"QazMunaiGaz" UK AQ (QMG) basqarma tóraǵasynyń orynbasary Dáýletjan Hasanov 2024 jyldyń 30 qańtarynan bastap qyzmetinen ketti. Sondai-aq, ol "QazMunaiGaz" UK AQ Aqtaý ókildiginiń direktory laýazymyndaǵy jumysyn da aiaqtady", - delingen habarlamada.
QMG basqarma tóraǵasy Maǵzum Myrzaǵaliev uzaq jylǵy qajyrly eńbegi men kompaniianyń damýyna qosqan eleýli úlesi úshin Dáýletjan Hasanovqa alǵys bildirdi. Hasanov QMG-da túrli basshylyq qyzmetter atqarǵan. QMG basqarma tóraǵasynyń orynbasary retinde munai barlaý jáne óndirý blogyna jetekshilik etken.
"Nurseiit Soiýnov "QazMunaiGaz" UK AQ basqarma tóraǵasynyń orynbasary qyzmetine taǵaiyndaldy, sondai-aq oǵan "QazMunaiGaz" UK AQ Aqtaý qalasyndaǵy ókildigi direktorynyń mindetteri qosa júkteldi. Buǵan deiin Soiýnov "Qarajanbasmunai" AQ Bas direktory qyzmetin atqarǵan", - delingen habarlamada.
Sondai-aq ol ár jyldary "Ózenmunaigaz" AQ, "QazMunaiGaz" BÓ" AQ, "Ózenmunaiservis" JShS, "Ýral Oil end Gaz" JShS mekemelerinde basshylyq qyzmetter atqarǵan. Eńbek jolyn 2001 jyly "Ózenmunaigaz" AQ operator bolyp bastaǵan.
