Qazaqstanda qalpyna keltirý jáne qaýipti qaldyqtardy joiý qyzmetterin litsenziialaý usynyldy, dep habarlaidy "Ult aqparat".
Bul týraly QR Ekologiia, geologiia jáne tabiǵi resýrstar ministri Maǵzum Myrzaǵaliev málimdedi.
Bizde aýyr ónerkásip, aýylsharýashylyq kesheniniń jáne taý-ken óndirisiniń qaldyǵy kóp. Elimiz boiynsha shamamen 31 milliard tonna ónerkásiptik qaldyq bar jáne jyl saiyn shamamen 1 milliard tonna qaldyq jinalady. Bul negizinen tehnogendik-mineraldy túzilimder, sonyń ishinde arshyma taý jynystary, kúl-qoqys, óńdeý ónerkásip qaldyqtary jáne basqalary bar. Árine, olardy óńdeý boiynsha birqatar jumys júrgizilýde. 2018 jyly óńdeý deńgeii shamamen 32% qurady, bul 2015 jylǵy kórsetkishten 9% joǵary. Qalǵany jyl saiyn qaldyq qoimalary men poligondarǵa shyǵarylady, bul – shamamen 680 million tonna», - dedi ministr QR Parlamenti Senatynda «Turmystyq jáne ónerkásiptik qaldyqtardy jinaý jáne óńdeý» taqyrybyndaǵy Úkimet saǵatynda.
Ministr ónerkásiptik qaldyqtardyń negizgi úlesi taý-ken óndirýshi kásiporyndarǵa tiesili ekenin atap ótti. Qazir tehnogendi-mineraldy túzilimderdiń memlekettik kadastrinde 1500 nysan tirkelgen. Olardyń qorshaǵan ortaǵa teris áserin azaitý úshin naqty sharalar qabyldanýy kerek, buǵan birqatar kásiporyn jumyldyrylǵan.
«Máselen, 2018 jyly «Qazaqstan aliýminiii» AQ óńdelgen karerge 13,3 mln tonna taý jynystaryn tókti, al «QazAvtoJol» UK» AQ kúl-qoqys qaldyqtaryn jol qurylysynda tabiǵi tas materialdardyń ornyna paidalanady. Qaýipti óndiristik qaldyqtarǵa munai qaldyqtary da jatady.
Munai óndirisinen jylyna 800 myń tonnaǵa jýyq qaldyq shyǵady, onyń 500 myń tonnasy óńdeledi. Sonymen birge, munai qaldyqtaryn qaita óńdeý jáne joiý jumystarymen ainalysatyn birqatar jaýapsyz kásiporyndar bar. Ministrliktiń Ekologiialyq retteý jáne baqylaý komiteti olardyń qaýipti himiialyq qaldyqtardy joiý qyzmetinen óreskel ekologiialyq buzýshylyqtardy anyqtady. Ministrlik «QazMunaiGaz» UK memorandým bekitti, onyń aiasynda Mańǵystaý oblysynyń munaidan lastanǵan jalpy kólemi 2,5 mln tekshe metr aýmaǵyn tazartý sharalary bastaldy. Ekologiialyq talaptardy kúsheitip, ekologiialyq zańnamany reformalaý aiasynda qaýipti qaldyqtardy shyǵarý men joiýdy litsenziialaý engiziledi», - dedi Maǵzum Myrzaǵaliev.
