قازاقستاندا قالپىنا كەلتٸرۋ جەنە قاۋٸپتٸ قالدىقتاردى جويۋ قىزمەتتەرٸن ليتسەنزييالاۋ ۇسىنىلدى, دەپ حابارلايدى "ۇلت اقپارات".
بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ مەلٸمدەدٸ.
بٸزدە اۋىر ٶنەركەسٸپ, اۋىلشارۋاشىلىق كەشەنٸنٸڭ جەنە تاۋ-كەن ٶندٸرٸسٸنٸڭ قالدىعى كٶپ. ەلٸمٸز بويىنشا شامامەن 31 ميلليارد توننا ٶنەركەسٸپتٸك قالدىق بار جەنە جىل سايىن شامامەن 1 ميلليارد توننا قالدىق جينالادى. بۇل نەگٸزٸنەن تەحنوگەندٸك-مينەرالدى تٷزٸلٸمدەر, سونىڭ ٸشٸندە ارشىما تاۋ جىنىستارى, كٷل-قوقىس, ٶڭدەۋ ٶنەركەسٸپ قالدىقتارى جەنە باسقالارى بار. ەرينە, ولاردى ٶڭدەۋ بويىنشا بٸرقاتار جۇمىس جٷرگٸزٸلۋدە. 2018 جىلى ٶڭدەۋ دەڭگەيٸ شامامەن 32% قۇرادى, بۇل 2015 جىلعى كٶرسەتكٸشتەن 9% جوعارى. قالعانى جىل سايىن قالدىق قويمالارى مەن پوليگوندارعا شىعارىلادى, بۇل – شامامەن 680 ميلليون توننا», - دەدٸ مينيستر قر پارلامەنتٸ سەناتىندا «تۇرمىستىق جەنە ٶنەركەسٸپتٸك قالدىقتاردى جيناۋ جەنە ٶڭدەۋ» تاقىرىبىنداعى ٷكٸمەت ساعاتىندا.
مينيستر ٶنەركەسٸپتٸك قالدىقتاردىڭ نەگٸزگٸ ٷلەسٸ تاۋ-كەن ٶندٸرۋشٸ كەسٸپورىندارعا تيەسٸلٸ ەكەنٸن اتاپ ٶتتٸ. قازٸر تەحنوگەندٸ-مينەرالدى تٷزٸلٸمدەردٸڭ مەملەكەتتٸك كاداسترٸندە 1500 نىسان تٸركەلگەن. ولاردىڭ قورشاعان ورتاعا تەرٸس ەسەرٸن ازايتۋ ٷشٸن ناقتى شارالار قابىلدانۋى كەرەك, بۇعان بٸرقاتار كەسٸپورىن جۇمىلدىرىلعان.
«مەسەلەن, 2018 جىلى «قازاقستان اليۋمينييٸ» اق ٶڭدەلگەن كارەرگە 13,3 ملن توننا تاۋ جىنىستارىن تٶكتٸ, ال «قازاۆتوجول» ۇك» اق كٷل-قوقىس قالدىقتارىن جول قۇرىلىسىندا تابيعي تاس ماتەريالداردىڭ ورنىنا پايدالانادى. قاۋٸپتٸ ٶندٸرٸستٸك قالدىقتارعا مۇناي قالدىقتارى دا جاتادى.
مۇناي ٶندٸرٸسٸنەن جىلىنا 800 مىڭ تونناعا جۋىق قالدىق شىعادى, ونىڭ 500 مىڭ تونناسى ٶڭدەلەدٸ. سونىمەن بٸرگە, مۇناي قالدىقتارىن قايتا ٶڭدەۋ جەنە جويۋ جۇمىستارىمەن اينالىساتىن بٸرقاتار جاۋاپسىز كەسٸپورىندار بار. مينيسترلٸكتٸڭ ەكولوگييالىق رەتتەۋ جەنە باقىلاۋ كوميتەتٸ ولاردىڭ قاۋٸپتٸ حيمييالىق قالدىقتاردى جويۋ قىزمەتٸنەن ٶرەسكەل ەكولوگييالىق بۇزۋشىلىقتاردى انىقتادى. مينيسترلٸك «قازمۇنايگاز» ۇك مەموراندۋم بەكٸتتٸ, ونىڭ اياسىندا ماڭعىستاۋ وبلىسىنىڭ مۇنايدان لاستانعان جالپى كٶلەمٸ 2,5 ملن تەكشە مەتر اۋماعىن تازارتۋ شارالارى باستالدى. ەكولوگييالىق تالاپتاردى كٷشەيتٸپ, ەكولوگييالىق زاڭنامانى رەفورمالاۋ اياسىندا قاۋٸپتٸ قالدىقتاردى شىعارۋ مەن جويۋدى ليتسەنزييالاۋ ەنگٸزٸلەدٸ», - دەدٸ ماعزۇم مىرزاعاليەۆ.
